Llagu Balatón
Llagu Balatón | |
---|---|
![]() | |
Situación | |
Tipu |
Lago de la grieta (es) ![]() |
Coordenaes | 46°51′N 17°43′E / 46.85°N 17.72°E |
Datos | |
Altitú media | 104 m |
Superficie | 592 km² |
Conca hidrográfica |
cuenca hidrográfica del Danubio (es) ![]() |
Superficie de la conca | 5181 km² |
Llonxitú | 78 km |
Fondura | 12,5 m |
![]() |
El llagu Balatón (n'alemán Plattensee; n'eslovacu Blatenské jazero; en llatín Lacus Pelso; y en croata Blatno jezero) ye un llagu d'agua dulce asitiáu n'Hungría, na rexón de Transdanubia. Ye, con una estensión de 592 km², el llagu mayor d'Europa, y una de les atraiciones turístiques más importantes de la rexón. El principal aporte d'agua que recibe ye la del ríu Zala, mentantu que namái desagua por una canal artificial nomada Sió. Tien 77 km de llargor y 11 km d'anchor, con 3,2 m de fondura media y 236 km de llinia de costa.
La so oriella septentrional, montuna, ye famosa pola so historia y por ser una rexón vinícola importante, mentantu que la meridional, llana, ye conocida poles sos ciudaes turístiques. Balatonfüred y Hévíz desarrolláronse dende bien ceo como llugares de descanso pa xente adinerao, pero nun habría ser hasta finales del sieglu XIX cuando los propietarios de tierres de la rodiada, arruinaos pol ataque de la filoxera a les sos vides, entamaron a construyir cases de veranu pa alquilá-yosles a les clases medies burgueses. La construcción de llinies de ferrocarril en 1861 y 1909 traxeron una medría importante del turismu, magar que'l mayor aumentu de visitantes sería a partir de la década de 1950, cuando aportaron a elli trabayadores húngaros subsidiaos polos sindicatos pa pasar les sos vacaciones.
![](http://upload.wikimedia.org/wikipedia/commons/thumb/0/0f/Peter_Stehlik_2010.09.09_005_2010.09.09_020-8_A_images.jpg/1295px-Peter_Stehlik_2010.09.09_005_2010.09.09_020-8_A_images.jpg)
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Llagu Balatón.