Livingston

Livingston
Alministración
País	Reinu Xuníu
Nación constitutiva	Escocia
Conceyu	West Lothian (es)
Tipu d'entidá	villa
Códigu postal	EH53 y EH54
Xeografía
Coordenaes	55°53′00″N 3°30′57″W / 55.8834°N 3.5157°O
	Livingston Livingston (Reinu Xuníu)
Altitú	131 m
Llenda con	Linlithgow
Demografía
Población	50 826 hab. (2011)
Porcentaxe	100% de West Lothian (es)
Más información
Prefixu telefónicu	01506
Estaya horaria	UTC±00:00
	westlothian.gov.uk…

Pa ver el conceyu guatemalianu, Livingston (Izabal).

Pa ver otros usos d'esti términu, Livingston (dixebra).

Livingston (en gaélicu escocés: Baille Dhùn Lèibhe) ye una llocalidá asitiada nel conceyu de West Lothian n'Escocia, Reinu Xuníu. Livingston ye la cuarta ciudá entamada construyida n'Escocia tres la Segunda Guerra Mundial en 1962. Ta asitiada a 25 km al oeste d'Edimburgu y a 50 km al este de Glasgow, y arrodiada poles llocalidaes de Broxburn al nordeste y Bathgate al noroeste. Otres ciudaes vecines son Polbeth, West Calder, East Calder, Mid Calder, Uphall Station y Pumpherston.

Historia

El nome de Livingston provién d'un antiguu poblador flamencu, llamáu De Leving, a quien-y foi concedíu'l terrén, y que construyó una torre fortificada na zona. L'asentamientu pasó asina a llamase Levingstoun, Layingston y finalmente Livingston.^[1] Hasta 1963 l'área qu'arrodiaba al antiguu pueblu yeren terrenales agrícoles.

La moderna ciudá de Livingston foi construyida tres l'aprobación de l'Acta de Nueves Ciudaes» (New Towns Act) de 1946 (enmendada en 1959), pa solucionar los problemes de hacinamiento de la población de Glasgow. Livingston foi la cuarta de les cinco ciudaes que se construyeron con esi envís (les demás fueron East Kilbride, Glenrothes, Cumbernauld y Irvine). Pa construyir la ciudá, constituyóse una organización semiautónoma, la Livingston Development Corporation (LDC). Esta corporación tuvo al cargu de Livingston hasta mediaos de los años 1990, cuando'l so mandatu expiró y el control de la ciudá pasó al conceyu de West Lothian. La última construcción importante llevada a cabu pola LDC foi l'estadiu del renombráu Livingston FC. Desque depende de West Lothian acometiéronse otres obres públiques de valumbu, como la construcción d'un campus pal West Lothian College.

Demografía

Livingston ye según el censu de 2011 la séptima llocalidá d'Escocia en población con 56 269 habitantes,^[2] y el so área metropolitana 59 511 (2001). Livingston ye la llocalidá más grande de West Lothian y la segunda población más grande de dambos Lothians, tres Edimburgu.^[3]

Construyóse alredor d'un conxuntu de pequeños pueblos, como Livingston Village, Bellsquarry o la Estación de Livingston (anguaño Nether Dechmont o Deans). Contién delles árees residenciales, como Craigshill, Howden, Dedridge, Ladywell, Knightsridge, Murieston, Adambrae, Deans o Eliburn.

Relixón

Nun casu únicu n'Escocia, Livingston foi designada como "parroquia ecuménica", nuna iniciativa conxunta de la Ilesia d'Escocia, la Ilesia Episcopaliana d'Escocia, la Ilesia Metodista del Reinu Xuníu y la Ilesia Xunida Reformada. Esta parroquia única tien seis lugar de cultu.

Amás d'esta parroquia, esiste otra denomada Livingston Old Parish Church, que pertenez namái a la Ilesia d'Escocia. Tamién esisten ilesies d'otres denominaciones cristianes, cuantimás católiques.

Referencies

↑ Páxina del NLS
↑ Error de cita: La etiqueta <ref> nun ye válida; nun se conseñó testu pa les referencies nomaes c2011
↑ Tabla d'estimación de población pal añu 2004

Enllaces esternos

Undiscovered Scotland- Livingston featurepage
Stevens Pictures (Livingston Gallery) Archiváu 2011-10-09 en Wayback Machine
LiviMS - Livingston's Music Scene Archiváu 2018-03-07 en Wayback Machine
Livingston Football Club
West Lothian College
Livingston Ecumenical Parish Church Archiváu 2017-11-07 en Wayback Machine

[1] Páxina del NLS

[c2011-2] Error de cita: La etiqueta <ref> nun ye válida; nun se conseñó testu pa les referencies nomaes c2011

[3] Tabla d'estimación de población pal añu 2004

[1]

[2]

[3]