Joan Tardà i Coma
Joan Tardà i Coma (26 de setiembre de 1953, Cornellà de Llobregat) ye un políticu y profesor d'secundaria catalán, militante d'Esquerra Republicana de Catalunya (ERC).[2]
Llicenciáu en Filosofía y Lletres, ye caderalgu de Llingua y Lliteratura Catalanes nel institutu d'enseñanza secundaria Esteve Terradas.[3] Foi conceyal del Ayuntamientu de Cornellà de Llobregat y diputáu pola provincia de Barcelona nes eleicions xenerales españoles de 2004 y 2008. Rescampló na so xera parllamenteria poles sos intervenciones en catalán, dalgo que lu enfrentó al president de la Cámara, Manuel Marín, y poles propuestes sobre la Llei de Memoria Histórica. N'avientu de 2008 va protagonizar una polémica nel Día de la Constitución al glayar nun actu de les JERC mort al Borbó, alegando que yera un gritu popular de 1714 mientres la Guerra de Socesión.
En payares de 2013, un caldiu alderique nes redes sociales sobre una equivocación a la hora de votar una enmienda lleva-y al diputáu a denunciar nuna carta insultos y amenaces.[4] La polémica surde cuando Víctor Suárez, activista del movimientu llingüísticu asturianu, recrimína-y el so votu en contra de la enmienda presupuestaria de Foru Asturies que proponía una partida estatal de 143.000 € pa l'Academia de la Llingua Asturiana,[5]Tardà va xustificar el so votu aduciendo a un "error procedimental".
Obres
[editar | editar la fonte]- Republicans i catalanistes al Baix Llobregat a principi del segle XX : modernització dels comportaments polítics i socials, 1900-1923 (1991)
Referencies
[editar | editar la fonte]- ↑ 1,0 1,1 URL de la referencia: https://www.lavanguardia.com/politica/20161217/412676524642/joan-tarda-veterano-erc-congreso.html. Data de consulta: 23 agostu 2019.
- ↑ http://www.congreso.es/portal/page/portal/Congreso/Congreso/Diputados/BusqForm?_piref73_1333155_73_1333154_1333154.next_page=/wc/fichaDiputado?idDiputado=321
- ↑ «Archived copy». Archiváu dende l'orixinal, el 2011-09-25.
- ↑ http://www.andecha.org/index.php?option=com_content&view=article&id=623%3Ajoan-tarda-califica-de-llamentable-que-se-custione-a-erc&catid=1%3Anacional&Itemid=62
- ↑ https://twitter.com/JoanTarda/status/402450283143630848
Enllaces esternos
[editar | editar la fonte]- Esquerra.cat - Blogue de Joan Tardà
- Indirecte!cat - Blogue de Joan Tardà Archiváu 2013-12-16 en Wayback Machine