Idioma ket

Ket Ket
Faláu en	Rusia
Rexón	Krai de Krasnoyarsk
Falantes	210 (2010)
Familia	Dené-yeniseiana (?) Yeniseiano Ket
Estatus oficial
Oficial en	Nengún país
Reguláu por	Nun ta reguláu
Códigos
ISO 639-1	nengún
ISO 639-2
ISO 639-3

El ket (o queto), enantes conocíu como yenisei ostyak, ye una llingua aisllada siberiana, postrera sobreviviente de la familia de llingües yeniseianas. Hubo intentos por espertos soviéticos d'establecer una rellación ente la llingua ket y el burushaski ya inclusive coles llingües sino-tibetanes. Ye incluyíu na supuesta familia de les llingües dene-caucasianes.

Güei hai pocu más de 200 falantes de ket. Realizáronse esfuercios pa introducir la llingua nes guarderíes y los colexos. Sicasí'l estatus social de la llingua permanez baxu, polo que se tarrez que suma. El nome ket vien de la pallabra ket que significa persona. El númberu de componentes de la etnia ket que tienen como llingua materna ésti idioma baxó dende los 1.225 en 1926 hasta los 537 en 1989 y los 213 en 2010. Otra llingua perteneciente a la familia yeniseiana, el yugh, escastóse apocayá.

Carauterístiques de la llingua

El ket ye una llingua tonal, con 5 tonos distintos y una estructura fonética pocu habitual.
En 1930, 1988 y 1991 creáronse alfabetos pa esta llingua, el postreru basáu nel alfabetu cirílicu.

Alfabetu de 1930
a	ā	æ	b	c̣	d	y	ē	ə	f	g	h	h̡	i	ī	j	k	l
ḷ	m	n	ṇ	ŋ	o	ō	p	q	r	s	ṣ	t	o	ū	v	z̶	ь

Alfabetu cirílicu de 1991
а	б	в	г	г̡	д	е	ё	ж	з	и	й	к	ӄ	л	м	н	ӈ	о
ɵ	п	р	с	т	у	ф	х	ц	ч	ш	щ	ъ	ǝ	ы	ь	э	ю	я

Investigación

Les primeres notes sobre ket (Путешествия по разным провинциям Русского Государства) fueron publicaes en 1788 por P.S. Pallas n'unu de los sos cuadiernos de viaxes. En 1858, M. A. Castrén publicó'l primer diccionariu ket (Versuch einer jenissei-ostjakischen and kottischen Sprachlehre), que tamién incluyía documentación sobre l'idioma kot. Nel sieglu XIX los ket, fueron equivocadamente clasificaos como una tribu finu-ugria del grupu de los Khats. El primer llibru sobre gramática ket (Кетский язык) foi publicáu en 1934 por A. Karger.

Referencies

Enllaces esternos

Wikimedia Commons tien conteníu multimedia tocante a Idioma ket.