Idioma beothuk

Beothuk
Faláu en	Canadá
Rexón	Terranova
Falantes	llingua muerta
Familia	Non clasificada (?)
Estatus oficial
Oficial en	Nengún país
Reguláu por	Nun ta reguláu
Códigos
ISO 639-1	nengún
ISO 639-2	nai
ISO 639-3	bue
Área histórica del beothuk

El beothuk ye una llingua indíxena anguaño estinguida y falada enantes en Terrranova. A pesar de que se trata d'una llingua estinguida, caltuviéronse dellos testimonios; sicasí, esisten grandes llagunes sobre ella.

Clasificación

Dacuando asumióse que podría esistir una rellación alloñada coles llingües algonquinas, pero esiste bien poca evidencia en favor d'esta propuesta. En 2007, publicáronse dellos estudios que suxeríen parentescu xenéticu ente los beothuk y los falantes de micmac (algonquino oriental), d'acordies cola hipótesis de parentescu alloñáu. Sicasí, la evidencia llingüística paez averar el beothuk más al algonquino central, que al algonquino oriental.^{[ensin referencies]}.

Testimonios

Les formes léxiques conocíes del beothuk fueron llograes de cautivos como Demasduwit y Shanawdithit (la postrera falante conocida, finada en 1829). Esiste una grabación d'un cantar beothuk, cantada por una vieya nativa de 75 años llamada Santu, llograda en 1910 pol antropólogu norteamericanu Frank Speck. La grabación foi topada a la fin del sieglu XX, el testu ye enigmáticu y nun ye entendíu polos llingüistes. Speck escribió un llibru tituláu Beothuk and Micmac, (New York 1922).

Referencies

Enllaces esteriores

Wikimedia Incubator

Prueba Wikipedia n'Idioma beothuk na Incubadora de Wikimedia

• Text including Beothuk vocabulary
• Report for Beothuk on Linguist List
• About the Beothuk language (enllaz rotu disponible n'Internet Archive; ver l'historial y la última versión).

• Datos: Q56234