Francisco Alonso-Fernández
Francisco Alonso-Fernández![]() | |
---|---|
Vida | |
Nacimientu | Uviéu, 13 de febreru de 1924[1] |
Nacionalidá |
![]() |
Residencia | Madrid |
Muerte | Madrid[1], 28 de xunu de 2020[1] (96 años) |
Estudios | |
Llingües falaes | castellanu |
Alumnu de | Juan José López Ibor |
Oficiu | psiquiatra, neurólogu, psicólogu, profesor universitariu |
Llugares de trabayu | Universidá Complutense de Madrid |
Emplegadores |
Universidá de Sevilla (1970 – Universidá Complutense de Madrid (1977 – |
Premios | |
Miembru de |
Real Academia Nacional de Medicina Real Academia de Belles Artes de San Fernando Academia Nacional de Medicina Institutu Nacional de Psiquiatría |
![]() |
Francisco Alonso-Fernández (13 de febreru de 1924, Uviéu – 28 de xunu de 2020, Madrid) foi un médicu siquiatra, neurólogu y psicólogu asturianul.
Biografía
[editar | editar la fonte]Foi discípulu de Juan José López Ibor, completando la so formación en Zúrich y Viena. En 1949 llogró por concursu-oposición una plaza de médicu xefe de la seición de psiquiatría ya hixene mental del Institutu Provincial de Sanidá de La Coruña. En 1965 llogró por oposición la plaza de sicotécnicu-direutor d'institutos provinciales de Psicoloxía Aplicada. Llogró la cátedra de Psiquiatría de la Universidá de Sevilla por aciu oposición en 1970.
Pertenez a delles asociaciones médiques y ostenta dellos cargos honoríficos: ye miembru de la Real Academia Nacional de Medicina, de l'Academia Nacional de Medicina de Perú (1983) y de la Real Academia de Belles Artes de San Fernando (2000). Presidente de la seición VI. académicu correspondiente del Institutu Mexicanu de Psiquiatría (1979). Foi nomáu presidente d'honor de l'Asociación Ibero-llatinoamericana de Psiquiatría, de la Sociedá Europea de Psiquiatría Social (2005) y de la Sociedá de Psiquiatría de Jalisco (2006). Direutor acomuñáu de la Fundación ACTA de Psiquiatría y Psicoloxía d'América Llatina, Buenos Aires (2005). Ye, amás, miembru d'honor de sociedaes científiques de psiquiatría de catorce países europeos o americanos. Colexáu d'honor de los colexos médicos de Les Palmes, Madrid, Santa Cruz de Tenerife y Jalisco. Foi'l primer presidente de la Sociedá Española contra l'Alcoholismu y les Drogodependencias (1972-74). Honorary fellow de la American Society of Hispanic Psychiatrists (1988). Direutor del Institutu de Psiquiatres de Llingua Española y profesor honoríficu d'esta institución, dende 1992.
Foi nomáu Doctor Honoris Causa poles universidaes de Montevideo, Santu Domingu, Maimónides de Buenos Aires y Fernando Pessoa de Porto) y Profesor Honorariu por siete universidaes (Méxicu DF, Lima, L'Habana, Carabobo de Venezuela, Guadalaxara de Méxicu, Eivissa Internacional y Autónoma de Madrid).
Dende 1977 ocupó'l cargu de catedráticu xefe del Departamentu de Psiquiatría y Psicoloxía Médica na Universidá Complutense de Madrid y, dende 1990, ye caderalgu eméritu d'esi mesmu departamentu.
En 1990 rexistró una solicitú de patente sobre un métodu pa la detección, el diagnósticu, la clasificación y el siguimientu de la depresión.
Premios
[editar | editar la fonte]- Premiu 'Doctor Díaz Rubio' de la Real Academia de Medicina (1961).
- Medaya de Plata de la Cruz Roja Española (1972).
- “Asturianu del Añu” (1981).
- Premiu a la Investigación en Psiquiatría, pol Institutu Cimeru d'Estudios Sanitarios de Roma (1988).
- Diploma d'Asturianu Universal” (2008).
- Premiu a la Excelencia Sanitaria, pol Institutu Européu de Salú y Bienestar Social, de la OMS (2008).
Obra
[editar | editar la fonte]Collaboró en numberoses publicaciones especializaes españoles y estranxeres, y al so trabayu néstes xúnense, ente otres, les siguientes obres apaecíes en volume:
- El sistema hipófisis-suprarrenales na clínica neurosiquiátrica. (Cortisona. ACTH. Enfermedaes d'adaptación), (Madrid, 1954).
- La intoxicación pol manganesu. (El siquismu subcortical y los síndromes extrapiramidales), (Barcelona-Madrid, 1961).
- Fundamentos de la psiquiatría actual, dos tomos, (Madrid, 1968).
- Psicoloxía médica y social (Madrid, 1979).
- Compendiu de psiquiatría (Madrid, 1978).
En total escribió 49 llibros y realizó numberosos trabayos en revistes médiques, como Sicopatoloxía, revista de la que foi fundador y direutor mientres 26 años. Dirixó la edición d'una Enciclopedia de Pedagoxía y Psicoloxía en 7 tomos.
Referencies
[editar | editar la fonte]- ↑ 1,0 1,1 1,2 URL de la referencia: https://elpais.com/sociedad/2020-06-28/muere-francisco-alonso-fernandez-referente-de-la-psiquiatria-espanola-del-siglo-xx.html. Data de consulta: 13 xunetu 2020.