El faru d'Iyán
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
| El faru d'Iyán | |
|---|---|
| Datos | |
| País d'orixe |
 Estaos Xuníos |
| Añu | 21 marzu 1998 |
| Idioma orixinal | inglés |
| Direición | David Mitton |
| Númberu d'episodios | 41 |
| Primer emisión | 3 d'ochobre de 1997 |
| Última emisión | 26 de xunu de 1998 |
| Emisora orixinal | TLC |
| Distribuidora |
Sunbow Entertainment (es)  |
 | |
El faru d'Iyán (Salty's Lighthouse na versión orixinal) ye una serie de dibuxos animaos pa neños pequeños, producida por The Canadian Broadcasting Corporation, Sunbow Entertainment, Smiley Guy Studios y TLC en 1998 n'asociación col Bank Street College of Education de Nueva York. El programa fala d'un neñu llamáu Iyán que xuega y deprende colos sos collacios nun faru máxicu. Amás de les aventures animaes d'Iyán y los sos amigos, la serie utiliza secuencies d'aición en vivo pa diferentes segmentos. 40 episodios foron producíos pa esta serie. Otra manera, l'espaciu pasó a la historia de la televisión asturiana al convertise na primer serie de dibuxos animaos -y el primer programa de ficción- doblada al asturianu.
Versión n'asturianu
[editar | editar la fonte]La versión na nuesa llingua emitióse nel añu 2002 per TeleAsturias. La serie foi traducida del orixinal inglés Salty's Lighthouse por un equipu lideráu pol periodista y escritor Xosé María Vega cola ayuda de l'Academia de la Llingua Asturiana. La cadena emitió la serie tolos vienres a les 20:45h, repitiéndola los sábados a les 15:30 hores. La torna de la serie tuvo de facese en Madrid (anque con voces asturianes) por falta de medios téunicos.
La presentación publica foi'l 20 de payares del 2002 nuna de les sales de los cines Yelmo Cineplex d'Uviéu. Nel actu participaron representantes de l'Alministración -el doblaxe contó con una ayuda de la Conseyería de Cultura- y proyeutáronse cuatro episodios de diez minutos de la serie. El faru d'Iyán taba llamada a convertise na primer serie qu'ayude a ver como normal ver la televisión n'asturianu. La mesma canal qu'empobinó'l proyeutu taba enfotada nella y tenía pensao enanchar campu faciendo más series, falándose incluso de facer na cadena una estaya de doblaxe con un calter estable. Sicasí, un cambiu na direición de la cadena dexó la serie nun casu aislláu de doblaxe n'asturianu.
Referencies
[editar | editar la fonte]Enllaces esternos
[editar | editar la fonte]| Control d'autoridaes |
|
|---|
Datos: Q7406236