Alianza Roji-Verde

Alianza Roji-Verde
Alianza Roji-Verde
Acrónimu	Ø
Presidente	Pernille Skipper
Fundación	2 d'avientu de 1989
Sede	Studiestræde (en)
Estáu	Dinamarca
Afiliaos	9281 (2020)
Ideoloxía política	anticapitalismu, ecosocialismu, Euroescepticismu y socialismu democráticu
Posición nel espectru	estrema izquierda
Organización de mocedá	Socialist Youth Front (en) y Rød-Grøn Ungdom (en)
Afiliación europea	Izquierda Anticapitalista Europea (es)
Páxina web	enhedslisten.dk

Alianza Roji-Verde (en danés Enhedslisten - de Rød-Grønne, lliteralmente Llista de la unidá - los roji-verdes) ye un partíu políticu danés formáu en 1989 de la unión de Socialistes d'Izquierda (VS), el Partíu Comunista de Dinamarca (DKP), y el Partíu Socialista de los Trabayadores (SAP), a los que se xunió en 1991 el Partíu Comunista de los Trabayadores (KAP), que s'eslleió'l 1994.

La base del partíu son militantes independientes ya individuales, ensin separación en función de los los partíos fundadores. Coopera viviegamente col Frente de la Mocedá Socialista. Entró nel Folketinget per primer vegada nes eleiciones llexislatives daneses de 1994, y ye consideráu'l partíu más a la izquierda del parllamentu; el so techu eleutoral dientro d'ésti son 6 escaños y siempres tuvo na oposición.

Nes eleiciones llexislatives daneses de 2007 llevó como candidata a Asmaa Abdol-Hamid, candidata identificada como musulmana y socialista, lo que provocó un fuerte discutiniu inclusive ente los musulmanes daneses. El partíu llogró 4 escaños, y ésta nun llogro'l so escañu, anque se considera qu'atraxo votos al partíu.

Referencies

Enllaces esternos