Alfard
Coordenaes: 9h 27m 35.243s, -8° 39′ 30.958″
Alfard o Alphard (α Hya / α Hydrae / 30 Hya)[8] ye la estrella más importante de la constelación d'Hidra con magnitú aparente +1,99. El so nome provién del árabe فرد|الفرد (Al Fard), «la solitaria», describiendo apropiadamente la so posición nuna rexón bastante vacida al suroeste de Régulu (α Leonis). Otru nome que recibe la estrella, ésti proveniente del llatín, ye Cor Hydrae, pol so allugamientu onde taría'l corazón del bisarma.
Alfard ye una xigante naranxa de tipu espectral K3II-III con una temperatura efectivo de 4000 K, non bien distintu a Arturu (α Bootis) o Aldebarán (α Tauri). Más lluminosa que dambes —con una lluminosidá visual 400 vegaes mayor que la del Sol— ye considerada una xigante lluminosa. Sicasí, la mayor distancia que nos dixebra d'ella, 177 años lluz, fai que nel cielu apaeza menos brillosu qu'éstes. El so radiu ye 40 vegaes más grande que'l radiu solar.[9] Tien aproximao'l triple de masa que'l Sol y la so edá envalórase en 420 millones d'años.[10]
Alfard ta considerada una estrella de bariu «leve»; piénsase qu'estes estrelles son binaries onde l'escesu de bariu provién de la componente secundaria que nel pasáu contaminó a la que güei ye la estrella visible. La estrella contaminante, qu'evolucionó enantes, güei ye una nana blanca malo de detectar.[9]
Referencies
[editar | editar la fonte]- ↑ 1,0 1,1 1,2 1,3 1,4 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi: .
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ Pablo Mauas (26 xineru 2015). «Stellar parameters and chemical abundances of 223 evolved stars with and without planets» (n'inglés). Astronomy and Astrophysics. doi: .
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics. doi: .
- ↑ «The atmospheric parameters and spectral interpolator for the MILES stars» (n'inglés). Astronomy and Astrophysics: páxs. 165–165. xunetu 2011. doi: .
- ↑ «Taxonomy of barium stars» (n'inglés). The Astronomical Journal: páxs. 2229–2254. xunu 1991. doi: .
- ↑ Alphard (SIMBAD)
- ↑ 9,0 9,1 Alphard (Jim Kaler, Stars)
- ↑ da Silva, L.; Girardi, L.; Pasquini, L.; Setiawan, J.; von der Lühe, O.; de Medeiros, J. R.; Hatzes, A.; Döllinger, M. P.; Weiss, A. (2007). «Basic physical parameters of a selected sample of evolved stars». Astronomy and Astrophysics 458 (2). páxs. 609-623. http://cdsads.u-strasbg.fr/cgi-bin/nph-bib_query?2006A%26A...458..609D&db_key=AST&nosetcookie=1.