Mar d'Irlanda
![](http://upload.wikimedia.org/wikipedia/commons/thumb/5/5a/Irish_Sea_4.82844W_53.54821N.png/250px-Irish_Sea_4.82844W_53.54821N.png)
La Mar d'Irlanda separta las isllas d'Irlanda y la de Gran Bretaña. Xúnese al Océanu Atlánticu nel sur pol canal de San Xurde y nel norte pol canal del Norte. La islla de Man allúgase na metá d'esta mar.
La mar ye d'una gran importancia pa la economía y el comerciu rexonal, pol tresporte, pesca, tráficu marítimu y pola xeneración d'enerxía eólica. Anguañu, esiste un llargu alderique sobru la idoneidá ou non de la construcción d'un túnel d'unos 80 km pa comunicare dambas isllas.
Orixe
La mar d'Irlanda sufríu una riestra de cambeos drásticos hai unos 20.000 cola final de la Era Glacial cuandu chegorun situaciones climáticas más cálidas. Nu cimeiru de la Era Glacial la parte central de la moderna mar yera probablemente un enanchu llagu d'augua fresca. Cuandu'l xelu retiróuse hai 10.000 años el llagu reconeutóuse a la mar, convirtiéndose en salubre de nuéu.
Mediu Ambiente
La mar d'Irlanda sufre una fuerte contaminación radiuactiva pola mor de las primeras armas nucleares británicas y las plantas nucleares y las estaciones de enerxía de Sellafield. Estimóuse que cerca de 250 kg de plutoniu depositáranse nos sedimentos marinos nas primeras décadas de producción. Amás l'área de Beaufort's Dyke emplegóuse comu vertedeiru d'armas químicas y quiciabes de más residuos nucleares. Magar la polución, ye una mar enchena de perinteresante flora y fauna.