Mar d'Irlanda
El Mar d'Irlanda (ingles: Irish Sea; irlandes: Muir Éireann; manx: Mooir Vannin; galles: Môr Iwerddon) l'è 'l mar che 'l spartiss l'Inghilterra de l'Irlanda. L'è colegaa a l'Ocean Atlantegh a sud per mezz del Canal de San Giorgg, a nord cont el Canal del Nord.
L'è nassuu circa 20.000 agn fa, a la fin de l'era glacial: prima l'era domà on gran lagh d'aqua dolza.
In del mezz del Mar d'Irlanda a gh'è l'Isola de Man.