Hora

Pa ver otros usos d'esti términu, Hora (dixebra).

La hora ye una unidá de tiempu que se correspuende cola veinticuatroava parte d'un día solar mediu. En nenguna gramática del mundu se permite abreviar el términu hora, namái s'usa'l símbolu que nun tien puntu, nin mayúscula, nin plural.

Emplégase pal tiempu civil y abarca 60 minutos o 3.600 segundos, anque pequeñes irregularidaes na rotación de la Tierra faen que seyan necesarios axustes. Yá que'l segundu se define a partir de propiedaes atómiques perprecises, pa caltener los estándares de tiempu averaos al día solar mediu utilícense segundos intercalares.

Antigües definiciones d'hora

Na antigüedá considerábase como hora a la doceava parte del tiempu que trescurre dende l'alborecer hasta l'atapecida. Como consecuencia, pel branu les hores son más llargues que pel iviernu. Los romanos y los griegos usaben esta definición. Más sero la nueche, tiempu trescurríu dende la puesta'l Sol hasta la so salida, tamién foi dividida en doce hores. Esta mena d'hores midíase per aciu d'un reló de sol o una clepsidra. Cuando un reló mecánicu utiliza estes hores, la so rapidez ha ser camudada cada mañana y tarde, por exemplu camudando'l llargor del so péndulu. La hora según esta definición ta regulada según el Sistema Horariu Temporariu.

Más sero foi definida como la veinticuatroava parte del día solar aparente, lapsu ente un meudía y el siguiente, o ente una atapecida y la próxima. Nesta definición les hores varíen un poco, yá que la duración del día solar aparente varía a lo llargo l'añu. Cuando un reló utiliza estes hores, ha ser axustáu unes poques vegaes nel trescursu del mes. Según se tome como orixe'l pasu del Sol pol Ocasu o l'Ortu denomaráse Sistema Horariu Itálicu o Sistema Horariu Babilónicu respeutivamente.

Ver tamién

Referencies

Enllaces esternos

Wikimedia Commons tien conteníu multimedia tocante a Hora.