Panyab (India)
Panyab o Punyab (ਪੰਜਾਬ en punyabí, पंजाब n'hindí, Punjab n'inglés, pronúnciase /panyáb/) ye unu de los ventinueve estaos que, xuntu colos siete territorios de la Unión, formen la Republica de la India.[1] La so capital ye Chandigarh, ciudá que tien categoría de territoriu de la Unión, y que, amás, ye capital de Haryana. Ta allugáu n'a'l nordés del país, llindando al norte con Jammu y Caxmir, Himachal Pradesh y el territoriu de Chandigarh, al sur con Haryana, al suroeste con Rayastán y al oeste con Pakistán. Con 550 hab/km² ye'l séptimu estáu más densamente pobláu, por detrás de Bihar, Bengala Occidental, Kerala, Uttar Pradesh, Haryana y Tamil Nadu.
Amás de la capital, otres ciudaes importantes son Ludhiana, Amritsar, Jalandhar y Patiala. El términu panyab provien de la combinación de les pallabres pañch (cognáu del griegu penta), que significa 'cinco', y ab (cognáu del español 'enagua'), que significa 'agua'. Panyab ye la rexón de los cinco ríos»: el Jhelum, el Chenab, el Ravi, el Beas y el Sutlej.