نظام برلمانى
| ||||
|---|---|---|---|---|
تعديل  |
||||
النظام البرلمانى ده نظام حكم بيتولى الحكم فيه وزاره وبيكون رئيس الوزاره مع وزارته متضامنين فى المسئوليه قدام البرلمان وقدام الشعب . وبيشكل الحكومه اكبر حزب خد عدد كراسى فى البرلمان ,ولو مافيش اى حزب خد الاغلبيه المطلقه ففى الحاله دى بتتشكل حكومة ائتلافيه بتتكون من الاحزاب اللى خدت مجالس فى البرلمان وكل حزب بياخد عدد وزارات بيتناسب مع عدد المجالس اللى خدها فى الانتخابات البرلمانيه . معظم الدول اللى نظام حكمها ملكى نظامها برلمانى ,وكمان فيه جمهوريات نظامها برلمانى زى ايطاليا و اسرائيل. وبيكون منصب رئيس الدوله فى النظام البرلمانى منصب شرفى.
تشكيل الحكومه
[تعديل]فى النظام البرلمانى بتتشكل الحكومه من الحزب اللى بياخد اعلى من 50% من عدد النواب فى البرلمان وفى حالة ان مافيش حزب عدى 50 % بتتشكل حكومه ائتلافيه من الاحزاب اللى ليها كراسى فى البرلمان و كل حزب بيشارك بعدد اعضاء بيتناسب مع عدد الكراسى اللى ليه فى البرلمان .
سمات النظام البرلمانى
[تعديل]- الرئيس او الملك فيه بيكون منصب شرفى و انه رمز للدوله و حامى للدستور , و بيكون مافيش مسئوليه سياسيه على الرئيس .
- بيكون الحاكم الفعلى هوا رئيس الوزاره وبيكون مسئول اساسى سياسيا على سياسات الحكومه و ادائها قدام الناس , وبيكون كل الوزرا مسئولين تضامنيا فى نفس الحكومه فى حالة فشل سياسات الحكومه واستقالة رئيس الحكومه معناها استقالة كل الوزرا اللى فى الحكومه .