كونستانس اميرة انطاكيا
| ||||
|---|---|---|---|---|
| معلومات شخصيه | ||||
| تاريخ الميلاد | سنة 1127 | |||
| تاريخ الوفاة | سنة 1163 (35–36 سنة) | |||
| الزوج/الزوجه | ارناط (1153–)[1] | |||
| ابناء | بوهيموند التالت [2]، وماريا من انطاكيه [2] | |||
| الاب | بوهيموند التانى | |||
| الحياه العمليه | ||||
| المهنه | سياسيه | |||
تعديل مصدري - تعديل  | ||||
كونستانس اميرة انطاكيا Constance of Antioch ( اتولدت 1127 - اتوفت 1163 ). بنت بوهيموند التانى Bohemond II و اليس Alice بنت بولدوين التانى Baldwin II. حكمت امارة انطاكيا من 1130 ل1163.
لما اتقتل ابوها سنة 1130 كان لسه عندها سنتين فماكنش ممكن انها تحكم لكن امها اليس سيطرت على الحكم. لكن كونستانس قعدت على عرش الاماره تحت وصاية جدها ابو امها بولدوين التانى ملك بيت المقدس لغاية سنة 1131 و بعدين بقت تحت وصاية فولك ملك بيت المقدس Fulk of Jerusalem اللى خلف بولدوين من 1131 ل1136.
امها اليس كانت عايزه تمسك الحكم بدل كونتساس و حاولت تعمل تحالف مع عماد الدين زنكى اتابك الموصل و عرضت تجويز كونستانس من امير مسلم لكن ابوها بولدوين التانى اكتشف خطتها و نفاها من انطاكيا. فى سنة 1135 اليس حاولت تانى تستولى على عرش انطاكيا و كانت عايزه تجوز كونستانس من ولى عهد بيزنطه مانويل كومنينوس Manuel Comnenos ، لكن فولك نفاها تانى من انطاكيا و رجع العرش لكونستانس.
فى سنة 1136 اتجوزت كونستانس و هى لسه طفله من رايموند دى بواتير Raymond de Poitiers اللى نبلا انطاكيا جابوه فى السر من اوروبا بعد ما فهمو امها اليس انه جى يتجوزها هى فلما اكتشفت ان العريس لبنتها مش ليها حست بإهانه فسابت انطاكيا للأبد بعد فرح بنتها.
كونتسانس خلفت من الجوازه دى ولد و بنتين اللى بقو : بوهيموند التالت اللى حكم بعدها سنة 1163 ، و ماريا اميرة انطاكيا Maria of Antioch ، و فيليبا اميرة انطاكيا Philippa of Antioch عشيقة الامبراطور البيزنطى اندرونيكوس الاول كومنينوس Andronicus I Comnenos .
رايموند دى بواتير اتقتل سنة 1149 فى معركة اينهاب و فى سنة 1153 اتجوزت كونستانس راينلد دى شاتيون Agnes of Antioch اللى شاركها فى حكم امارة انطاكيا و خلفت منه بنت اتعرفت بإسم اجنيس اميرة انطاكيا Agnes of Antioch و اتجوزت بيلا التالت Bela III ملك هنجاريا.
فى سنة 1160 راينلد دى شاتيون اتأسر و اتحبس فى حلب ، و قام صراع بين كونستانس و ابنها بوهيموند اللى حاول يستولى ع العرش و حصلت اضطرابات انتهى الموضوع بنفى كونستاتس و حكم مكانها ابنها بوهيموند. كونستانس اتوفت سنة 1163.
| بوهيموند التانى | الفتره : 1130 - 1163 | بوهيموند التالت |
- ↑ مُعرِّف شخص في موقع "النُبلاء" (thepeerage.com): https://wikidata-externalid-url.toolforge.org/?p=4638&url_prefix=https://www.thepeerage.com/&id=p21947.htm#i219465 — تاريخ الاطلاع: 7 اغسطس 2020
- ↑ Medieval Lands — المؤلف: Charles Cawley