انتقل إلى المحتوى

رافاييل نادال

عدل الوصلات
من ويكيبيديا، الموسوعه الحره
رافاييل نادال
رافاييل نادال سنة 2015.
الاسم بالكاملرافاييل نادال پاريرا
البلداسبانيا اسپانيا
مكان العيشهماناكور, مايوركا, جزر الباليار , اسبانيا
الميلاد (1986-06-03) 3 يونيه 1986 (age خطأ لوا في وحدة:Age على السطر 669: attempt to call local 'Date' (a nil value).)
ماناكور, مايوركا, جزر الباليار , اسبانيا
الطول1.85 m (6 ft 1 in)
تاريخ  الاحتراف2001
اسلوب لعببالايد الشمال (باكهاند بالايدين)
مدرب(ين)تونى نادال(2005–2017)
كارلوس مويا (2016–)
مارك لوبيث (2021–)[1]
مجموع فلوس جوايز اللعب130,681,472 $[2] (2nd all-time leader in earnings)
ويبسايتrafaelnadal.com
فردى
فوز/هزيمه1058–212 (83.31% in جراند سلام and ATP World Tour main draw matches, and in كاس ديڤيس)
عدد البطولات91 (4th in the Open Era)
اعلا ترتيب1 (18 اغسطس 2008)
الترتيب الايام دى4 (يونيه 2022)[3]
فردى جراند سلام
اوسترالياك (2009) , (2022)
فرنساك (2005, 2006, 2007, 2008, 2010, 2011, 2012, 2013, 2014, 2017, 2018, 2019 , 2020 - 2022)
ويمبلدونك (2008, 2010)
امريكاك (2010, 2013 , 2017 , 2019)
بطولات تانيه
نهائيات الدورىفاينال (2010, 2013)
العاب اوليمبيه ميدالية دهب (2008)
زوجى
فوز/هزيمه138–74 (65.09% in جولة اتحاد لعيبة التنس المحترفين and جراند سلام main draw matches, and in كاس ديڤيس)
عدد البطولات11
اعلا ترتيبNo. 26 (8 اغسطس 2005)
زوجى جراند سلام
اوستراليادور ال16 (2004, 2005)
ويمبلدوندور ال32 (2005)
امريكاسيميفاينال (2004)
بطولات فرق
كاس ديڤيسك (2004, 2008, 2009, 2011, 2019)
Medal record
Representing اسبانيا
Men's Tennis
Gold medal – first place اوليمبياد صيف 2008 Singles
Gold medal – first place اوليمبياد صيف 2016 Doubles
اخر تعديل: 8 يونيه 2022.


رافاييل نادال پاريرا (Rafael Nadal Parera نطق كاتالانى: [rəfəˈɛɫ nəˈðaɫ pəˈɾeɾə]) (من مواليد 3 يونيه 1986) لاعيب تنس اسبانى محترف. كسب اتنين و عشرين بطوله من البطولات الاربعه الكبيره فى التنس.[4] رافاييل نادال كسب طولة الفردى للرجاله فى بطولة ويمبلدون مرتين سنة 2008 و سنة 2010 و بطولة امريكا المفتوحه للتنس اربع مرات سنة 2010 و سنة 2013 و سنة 2017 و سنة 2019 و بطولة استراليا مرتين سنة 2009 و سنة 2022 و بطولة فرنسا اربعتاشر مره 2005 و 2006 و 2007 و 2008 و 2010 و 2011 و 2012 و 2013 و 2014 و 2017 و 2018 و 2019 و 2020 و 2022.[5] رافاييل نادال كمان كسب الميدالية الذهب فى فردى التنس فى الالعاب الأولمبية 2008 و كسب الميدالية الذهب فى زوجى التنس مع مارك لوبيث فى الالعاب الأولمبية 2016. بسبب شطارته على ملاعب الطفله بيتقال عليه "ملك الطفله" ، و خلت كتير من الخبرا يعتبروه أعظم لاعيب على ملاعب الطفله فى تاريخ التنس.[6][7][8]

رافاييل نادال كسب 36 بطوله من بطولات الماسترز 1000 و هو اللاعب السابع فى التاريخ، و أصغر واحد فى السن يكسب الاربعه جراند سلام فى عصر التنس المفتوح ، و هو تانى واحد من 3 لعيبة تنس اللى كسبو على الاقل اتنين من البطولات الاربع الكبيره على تلات انواع ارضيه مختلفه (الملاعب الجامده، والنجيله، والطفله) لأنه تانى لاعيب يعمل كده بعد ماتس فيلاندر. رافاييل نادال هو الوحيد اللى كسب نفس البطوله من بطولات الماسترز 1000 تمان سنين ورا بعض و هيا بطولة مونتى كارلو ماسترز.

حياته

رافاييل نادال اتولد فى ماناكور ، مايوركا، اسبانيا. ابوه سباستيان نادال راجل اعمال يملك شركة تأمين، و شركة ازاز و مطعم والدته اسمها انا ماريا پيريرا ست بيت و ليه أخت أصغر منه اسمها ماريا ايزابيل. رافاييل نادال اتعلم التنس على ايد عمه تونى نادال و كسب طولة التنس الاقليمية تحت سن اتناشر سنه لما كان عنده 8 سنين . و لما كان عمره 14 سنه، طلب الاتحاد الاسبانى للتنس انه يسيب مايوركا ويروح يتعلم تنس ف بارسلونا . لكن عيلته رفضت الطلب ده علشان كانو خايفين يضر تعليمه،[9] و كمان رأى عمه تونى انه مش محتاج يسيب مكانه و عيلته علشان يكون لعيب تنس كويس. رافاييل نادال ابتدا يكسب بطولات كتير و احترف التنس سنة 2001. رافاييل نادال بييعتبر واحد من أحسن لعيبة التنس ف تاريخ اللعبه[10][11][12] و بعد ما كان فى المركز رقم 2 على العالم بعد السويسرى روجيه فيدرر لمدة 160 اسبوع ورا بعض بئا فى المركز الاول على العالم من يوم 18 اغسطس 2008 ليوم 5 يوليه 2009.[13]

تنس

رافاييل نادال كسب اول ماتش و هو محترف لما كان عنده خمستاشر و عشر شهور فى شهر ابريل سنة 2002 نادال ساعتها كان ترتيبه 762 فى العالم ، الماتش كان قصاد اللاعب الباراجوانى رامون ديلجادو ضمن بطولات رابطة محترفين التنس ف جزيرة مايوركا ، و ده خلاه تاسع لاعيب على مستوى العالم ف العصر المفتوح يكسب ماتش من ماتشات بطولات رابطة المحترفين قبل ما يكون عنده ستاشر سنه. نادال لما كان عمره 17 سنه كسب اول ماتش ليه مع السويسرى روجر فيدرار ف بطولة مايامى ماسترز سنة 2004.

رافاييل نادال

2004

رافاييل نادال كسب طولة الزوجى ف بطولة ماهاراشترا المفتوحه مع تومى روبريدو . مالعبش فى بطولة فرنسا المفتوحه و بطولة ويمبلدون سنة 2004 بسبب كسر ف رجله الشمال. ف شهر اغسطس نادال كسب لأول مره بطولة فردى ف بطولة بروكوم المفتوحة بعد ما غلب خوسيه اكاسوسو ف الفاينال بمجموعتين.

2005

رافاييل نادال سنة 2005 كسب بطولة روما للتنس و بطولة مدريد للتنس و بطولة مونتى كارلو للتنس لأول مره,و كان أول لاعيب يكسب بطولة فرنسا المفتوحه ف أول مره يلعبها من أيام السويدى ماتس ڤيلاندر لما كسبها سنة 1982. رافاييل نادال غلب ماريانو پويرتا ف فاينال فرنسا المفتوحه 6–7 6–3, 6–1, 7–5

2006

رافاييل نادال سنة 2006 كسب طولة مونتى كارلو و بطولة روما و بطولة فرنسا المفتوحه للمره التانيه.

2007

رافاييل نادال سنة 2007 كسب طولة مونتى كارلو و بطولة روما و بطولة فرنسا المفتوحه للمره التالته.

2008

رافاييل نادال سنة 2008 كسب طولة مونت كارلو و بطولة فرنسا المفتوحه للمره الرابعه و كسب طولة الفردى للرجاله فى بطولة ويمبلدون لأول مره بعد ما غلب فيديرار ف الفاينال. ماتش فاينال ويمبلدون 2008 بين نادال و فيديرار بيعتبر أعظم فاينال بطولة ويمبلدون ف تاريخها، و اتوصف انه أعظم ماتش ف تاريخ التنس.[14][15][16][17][18] رافاييل نادال كمان كسب الميدالية الدهب فى فردى التنس فى الالعاب الأولمبية 2008 .

يوم 18 اغسطس سنة 2008 رافاييل نادال وصل للمركز الاولانى على العالم

2009

رافاييل نادال سنة 2009

رافاييل نادال سنة 2009 غلب فيدرر ف فاينال بطولة اوستراليا المفتوحه ف ماتش من خمس مجموعات علشان يكون اول اسبانى يكسب بطولة استراليا. و كسب طولة مونت كارلو لخامس مره. لكن بسبب الاصابه رافاييل نادال خسر المركز الاولانى على العالم يوم 5 يوليه 2009 .

2010

رافاييل نادال سنة 2010 كسب طولة مونت كارلو لسادس مره و كسب طولة فرنسا المفتوحة لخامس مره و بطولة ويمبلدون لتانى مره و كسب طولة أميركا المفتوحة لأول مرة فى تاريخه علشان يكون سابع لاعيب يكسب كل الاربع بطولات الكبيره.

2011

رافاييل نادال سنة 2011 كسب طولة مونت كارلو لسابع مره و كسب طولة فرنسا المفتوحة لسادس مره

2012

رافاييل نادال سنة 2012 كسب طولة مونتى كارلو لتامن مره و كسب طولة فرنسا المفتوحة لسابع مره

2013

رافاييل نادال سنة 2013 انسحب من بطولة استراليا المفتوحة بسبب فيروس ف المعده. بس كسب عشر بطوات بعد كده. كسب بطولة مدريد لتالت مره كسب بطولة روما ف التنس [19] لسابع مره و بطولة انديان ويلز و كمان كسب طولة فرنسا المفتوحة لتامن مره و بعدين كسب بطولة كانادا المفتوحه ف التنس بعد ما غلب ميلوش راونيتش ف الفاينال و كسب بطولة سينسيناتى المفتوحه ف التنس و كسب طولة امريكا المفتوحه لتانى مره ف سبتمبر.

2014

رافاييل نادال سنة 2014 كسب بطولة قطر ف يناير و بطولة ريو ف فبراير. ف مايو رافاييل نادال كسب بطولة مدريد بعد كى نيشيكورى ما انسحب من الماتش ف المجموعه التالته بسبب الاصابه .[20] و كسب طولة فرنسا المفتوحة لتاسع مره ف شهر يونيه. رافاييل نادال خسر المركز الاولانى على العالم يوم 7 يوليه 2014 بعد ما خسر ف دور ال16 ف بطولة ويمبلدون.

2015

رافاييل نادال سنة 2015 خسر ف بطولة فرنسا المفتوحه ف دور التمانيه بس كسب تلات بطولات ، بطوله من سلسلة 500 و بطولتين من سلسلة 250

2016

رافاييل نادال سنة 2016 كسب طولة مونت كارلو و بطولة بارسلونا لتاسع مره و كسب الميدالية الدهب فى زوجى التنس مع مارك لوبيث فى الالعاب الأولمبية

2017

رافاييل نادال سنة 2017 كسب طولة مونتى كارلو و بطولة بارسلونا و بطولة فرنسا عاشر مره و بطولة مدريد خامس مره. و كسب طولة امريكا المفتوحه لتالت مره ف سبتمبر

2018

رافاييل نادال سنة 2018 كسب طولة مونتى كارلو و بطولة بارسلونا و بطولة فرنسا للمره الحداشر و كسب طولة روما ف التنس لتامن مره, و كسب طولة كانادا لرابع مره

2019

رافاييل نادال سنة 2019 كسب طولة روما ف التنس لتاسع مره و كسب طولة فرنسا للمره الاتناشر و كسب طولة كانادا لخامس مره [21] و كسب طولة امريكا المفتوحه لرابع مره ف شهر سبتمبر

2020

رافاييل نادال سنة 2020 كسب بطولة اكابولكو ف شهر فبراير. ف شهر اكتوبر كسب بطولة فرنسا للمره التلاتاشر بعد اما غلب دييجو شوارتزمان فى السيميفاينال و ديوكوفيتش فى الفاينال.

2021

رافاييل نادال سنة 2021 كسب طولة بارسلونا المفتوحه للمره الاتناشر فى ابريل.[22] و كسب طولة روما للمره العاشره.

2022

رافاييل نادال سنة 2022 كسب طولة اوستراليا المفتوحه تانى مره بعد ما غلب دانييل ميدڤيديڤ ف ماتش من خمس مجموعات. نادال كسب طولة اكابولكو ف شهر فبراير. ف شهر يونيه رافاييل نادال كسب طولة فرنسا المفتوحه للمره الاربعتاشر و ده خللاه اكبر واحد ف السن كسب طولة فرنسا المفتوحه ف عصر التنس المفتوح على مستوى الرجاله ف منافسة الفردى سنة 2022 لما كان عنده 36 سنه و يومين.[23] فى يناير، نادال كسب المجموعة الأولى من بطولة ميلبورن الصيفية ، مغلب ماكسيم كريسى فى الماتش النهائية. كسب لقبه التانى فى بطولة اوستراليا المفتوحة ، ولقبه الحادى والعشرين فى البطولات الكبرى، ولقبه التسعين فى بطولات اتحاد لعيبة التنس المحترفين، بفوزه على دانييل ميدفيديف فى نهائى من خمس مجموعات ، بعد ما كان متأخر بمجموعتين. وبده الفوز، تفوق نادال على نوفاك ديوكوفيتش وروجر فيدرر فى عدد ألقاب البطولات الكبرى فى فردى الرجال على مر العصور و بقا الرجل التانى فى العصر المفتوح، بعد ديوكوفيتش، اللى يكمل لقبى الجراند سلام فى مسيرته . فى بطولة المكسيك المفتوحة ، كسب نادال باللقب بدون ما يخسر أى مجموعة، بما فيها الفوز على المصنف الاولانى عالميا ميدفيديف. مدد سلسلة انتصاراته ل15 ماتش، هيا احسن بداية له فى موسم. وفى بطولة إنديان ويلز، غلب نيك كيرجيوس وكارلوس ألكاراز ليصل للنهائى الرابع له ده العام ويوسع سلسلة انتصاراته ل20 ماتش. تعرض نادال لإصابة فى الضلع وخسر قدام تايلور فريتز بمجموعات متتالية فى الماتش النهائية. نادال فى بطولة فرنسا المفتوحة ، حقق فوزه رقم 106 بعد تغلبه على جوردان طومسون فى الجولة الأولى، علشان يكون اللاعب اللى حقق اكبر عدد من الانتصارات فى بطولة كبرى واحدة. غلب كورنتين موتيت فى الجولة التانيه (فوزه رقم 300 فى البطولات الكبرى).[24] غلب فيليكس أوجيه ألياسيم فى الجولة الرابعة (تالت ماتش له مكونة من خمس مجموعات فى بطولة فرنسا المفتوحة). قابل نادال مع ديوكوفيتش للمرة التاسعة والخمسين فى ربع النهائى [25] و كسب فى أربع مجموعات ليتقدم لنصف نهائى بطولة فرنسا المفتوحة للمرة الخمستاشر. واجه ألكسندر زفيريف و بعد اكتر من 3 ساعات من اللعب بمجموعتين، انسحب زفيريف بسبب إصابة فى الكاحل. وفى الماتش النهائية، غلب كاسبر رود فى 3 مجموعات ليحرز لقبه الاربعتاشر فى بطولة فرنسا المفتوحة واللقب الكبير التانى والعشرين بشكل عام ويصل للمركز الرابع عالميا. بقا حينها اكبر بطل لبطولة فرنسا المفتوحة ، والرجل التالت اللى حقق 4 انتصارات بين العشرة الأوائل فى طريقه للقب كبير من بدء تصنيفات اتحاد لعيبة التنس المحترفين سنة 1973، بعد ماتس ويلاندر ( بطولة فرنسا المفتوحة سنة 1982 ) وفيدرر ( بطولة اوستراليا المفتوحة سنة 2017 ). بعد علاجه من إصابة فى قدمه، رجع ويمبلدون للمرة الأولى من 3 سنين . كسب تايلور فريتز فى ربع النهائي، لكن زادت إصابته فى البطن، واضطر للانسحاب من البطولة. خسر فى الجولة الأولى فى سينسيناتى قدام البطل بورنا كوريتش . رجع نادال لبطولة امريكا المفتوحة للمرة الأولى من سنة 2019. خسر فى الجولة الرابعة قدام فرانسيس تيافو ، هيا خسارته الوحيدة فى بطولة كبرى سنة 2022، و أقدم هزيمة كبرى له من بطولة ويمبلدون 2017. فى كأس لافير ، تنافس نادال مع فريق اوروبا مع روجر فيدرر، نوفاك ديوكوفيتش، وآندى موراي. لعب ماتش الزوجى مع منافسه فيدرر (آخر ماتش احترافية لروجر)، وخسر قدام جاك سوك وفرانسيس تيافو. فى نهائيات رابطة لعيبة التنس المحترفين ، كسب نادال بمباراته الأخيرة ده العام ضد كاسبر رود بعد خسارته مباراتين الأوليين. أنهى نادال العام فى المركز التانى، علشان يكون اكبر لاعب سن يوصل المركزين الأولين فى نهاية العام فى تاريخ تصنيفات اتحاد لعيبة التنس المحترفين .

2023: معاناة الإصابات والخروج من احسن 100 لاعب بعد 20 سنه متتالية

نادال كان هو حامل اللقب فى بطولة اوستراليا المفتوحة سنة 2023 ، لكنه خسر بمجموعات متتالية قدام ماكنزى ماكدونالد فى الجولة الثانية. خلال الماتش، تعرض نادال لإصابة خطيرة فى الورك. انسحب نادال من بطولتى إنديان ويلز وميامى للتعافى من إصابته فى بطولة اوستراليا المفتوحة ولم يلعب فى الجولة تانى سنة 2023. نتيجة لذلك، خرج من المراكز العشرة الأولى لأول مرة من 25 ابريل 2005 فى 20 مارس 2023، منهى أطول سلسلة من المراكز العشرة الأولى فى تاريخ تصنيفات اتحاد لعيبة التنس المحترفين .

2024: الرجوع للجولة والاعتزال

نادال ابتدا موسمه فى بطولة بريسبان الدولية 2024 ، غلب دومينيك ثيم وجيسون كوبلر قبل ما يخسر قدام جوردان طومسون .[26] خلال الماتش، تعرض لإصابة عضلية أجبرته على الغياب عن بطولة اوستراليا المفتوحة.بعد خسارته فى الدور التانى قدام أليكس دى مينور فى بطولة بارسلونا المفتوحة ، وصل نادال للدور الرابع فى بطولة مدريد المفتوحة ، حيث غلب دى مينور فى طريقه. خسر فى الجولة التانيه فى بطولة ايطاليا المفتوحة . فى مايو، خسر نادال فى الجولة الأولى من بطولة فرنسا المفتوحة قدام المصنف الرابع عالمى والوصيف فى النهاية ألكسندر زفيريف .[27] وبكده وصل رقمه القياسى الأخير فى بطولة رولان جاروس ل112-4. فى بطولة السويد المفتوحة فى يوليو، وصل نهائى بطولة اتحاد لعيبة التنس المحترفين الأخير فى مسيرته بفوزه على ليو بورج ، وكاميرون نورى ، وماريانو نافونى فى ماتش ماراثونية استمرت أربع ساعات، ودوجى أيدوكوفيتش .[28] خسر قدام نونو بورجيس فى مجموعات متتالية.[29] بعدين نافس فى الألعاب الأولمبية الصيفية ، كان حامل للشعلة خلال حفل الافتتاح . وفى الفردى ، خسر فى الجولة التانيه قدام البطل فى الاخر نوفاك دجوكوفيتش فى لقاءهما الاحترافى رقم 60 على التوالي. وفى منافسات الزوجى مع ألكاراز، وصل للدور ال8. فى نهائيات كأس ديفيز فى مالقة ، بوتيتش فان دى زاندشولب غلب نادال حيث خسرت اسبانيا قدام هولندا فى ربع النهائي.[30][31] بعد انتهاء الماتش، ألقى نادال كلمة وتم عرض مونتاج فيديو لأبرز أحداث مسيرته المهنية ورسايله الشخصية، بما فيها من فيدرر، ودجوكوفيتش، وسيرينا ويليامز ، وآندى موراي، ولاعب كرة القدم أندريس إنييستا ، ولاعب الجولف سيرجيو جارسيا .[32]

المنافسات

  
المقال الاساسى: الاربعه الكبار ف التنس

روجر فيديرار كان اول واحد يظهر من الاربعه الكبار ف التنس لما كسب اول بطوله ليه سنة 2001 ف ميلانو و كسب جراند سلام اول مره ف ويمبلدون سنة 2003 و بعديه نادال اللى كسب جراند سلام اول مره ف فرنسا سنة 2005. ديوكوفيتش كسب جراند سلام اول مره سنة 2008 بعد ما غلب روجر فيديرار ف سيميفاينال بطولة اوستراليا و كسب البطوله بعد ما غلب جو ويلفريد تسونجا ف الفاينال . اندى موررى كسب جراند سلام اول مره سنة 2012 بعد ما غلب ديوكوفيتش ف فاينال بطولة امريكا.

نادال و روجر فيديرار

  
المقال الاساسى: منافسة فيديرار و نادال

رافاييل نادال و روجر فيديرار لعبو 39 ماتش ضد بعض نادال كسب 24 و روجر فيديرار كسب 15 .,[33] ماتش فاينال ويمبلدون سنة 2008 بين نادال و فيديرار بيعتبر احسن ماتش ف تاريخ التنس.[14][15][16][34]

نادال و دچوكوڤيتش

  
المقال الاساسى: منافسة دچوكوڤيتش و نادال

رافاييل نادال و نوڤاك دچوكوڤيتش لعبو 59 ماتش ضد بعض نادال كسب 29 و دچوكوڤيتش كسب 30 [35][36] اول ماتش بينهم كان سنة 2006 و كسبه نادال.

نادال و موررى

رافاييل نادال و اندى موررى لعبو 24 ماتش ضد بعض نادال كسب 17 و موررى كسب 7 . و كان مفروض يلعبو ماتش ف بطولة مايامى سنة 2012 لكن نادال انسحب بسبب اصابه .[37]

انجازات

  
المقال الاساسى: انجازات رافاييل نادال

رافاييل نادال واحد من ست رجاله بس اللى كسبو بطولات من الاربع البطولات الكبار على تلات انواع ارضيه مختلفه (الملاعب الصلبة، والعشب، والطفله) الخمسه التانيين هما جيمى كونورز ، اندريه اجاسى ، ماتس ڤيلاندر ، و السويسرى روجر فيديرار و الصربى نوڤاك دچوكوڤيتش .[38] ماتس ڤيلاندر هو اول واحد من تلات لعيبة تنس اللى كسبو على الاقل اتنين من البطولات الاربع الكبرى على تلات انواع ارضيه مختلفه (الملاعب الصلبة، والعشب، والطفله)، و تانى لاعيب يعمل كده بعده هو رافاييل نادال. بعدهم نوڤاك دچوكوڤيتش.

رافاييل نادال واحد من خمس لعيبة تنس فى عصر التنس المفتوح كسبو بطولات الجراند سلام الاربعه الكبيره و واحد من اربعه (مع روجر فيديرار و اندريه اجاسى و نوڤاك دچوكوڤيتش) كسبوهم على الملاعب الرملية و العشب و الملاعب الصلبة.

لما كسب فرنسا المفتوحة 2014 ، نادال كان الوحيد اللى كسب ع الأئل بطولة جراند سلام فردى رجاله واحده كل سنه لمدة عشر سنين ورا بعض و فيه لعيبه اللى كسبو بطولة جراند سلام فردى رجاله واحده كل سنه تمان سنين ورا بعض هما بيورن بورج ، بيت سامبراس ، و السويسرى روجر فيدرار . رافاييل نادال هو اول لاعيب اسپانى يكسب بطولة اوستراليا المفتوحة و تانى لاعيب اسپانى يكسب بطولة ويمبلدون و بطولة امريكا.

ترتيب

رافاييل نادال وصل ترتيبه المركز رقم 1 على العالم تمان مرات . منهم المده من اكتوبر 2013 ليوم 7 يوليه 2014 و المده من يوم 18 اغسطس 2008 ليوم 5 يوليه 2009 [13] و من يوم 7 يونيه سنة 2010 ليوم 1 يوليه 2011.

بطولات

فردى

رافاييل نادال كسب 91 بطوله فردى منهم 21 جراند سلام و 36 بطوله ماسترز 1000 و 23 بطوله من بطولات سلسلة 500 و 10 بطولات من بطولات سلسلة 250 و الميدالية الذهب فى فردى التنس فى الالعاب الأولمبية 2008.

زوجى

رافاييل نادال كسب 11 بطوله زوجى منهم 3 بطولات ماسترز 1000 و بطوله واحده من بطولات سلسلة 500 و 6 بطولات من بطولات سلسلة 250 و الميدالية الذهب فى زوجى التنس فى الالعاب الأولمبية 2016.

كاس ديڤيس

رافاييل نادال كان واحد من لعيبة فريق اسبانيا فى كاس ديڤيس لما كسب كاس العالم فى التنس 5 مرات سنة 2004 و سنة 2008 و سنة 2009 و سنة 2011 و سنة 2019.

كاس ليڤر

رافاييل نادال كان واحد من لعيبة فريئ اوروبا و كسب كاس ليڤر مرتين.

نهائيات بطولات جراند سلام

فردى: 30 (22 مره البطل, 8 مرات مركز تانى)

النتيجه سنة اسم البطوله نوع الملعب المنافس تفاصيل النتيجه
البطل 2005 فرنسا طفله  ARG 
ماريانو پويرتا || 6–7(6–8), 6–3, 6–1, 7–5
البطل 2006 فرنسا (2) طفله   سويسرا 
روجر فيديرار || 1–6, 6–1, 6–4, 7–6(7–4)
المركز التانى 2006 ويمبلدون نجيل   سويسرا 
روجر فيديرار || 0–6, 6–7(5–7), 7–6(7–2), 3–6
البطل 2007 فرنسا (3) طفله   سويسرا 
روجر فيديرار || 6–3, 4–6, 6–3, 6–4
المركز التانى 2007 ويمبلدون (2) نجيل   سويسرا 
روجر فيديرار || 6–7(7-9), 6–4, 6–7(3-7), 6–2,  2–6
البطل 2008 فرنسا (4) طفله   سويسرا 
روجر فيديرار || 6–1, 6–3, 6–0
البطل 2008 ويمبلدون نجيل   سويسرا 
روجر فيديرار || 6–4, 6–4, 6–7(5-7), 6–7(8-10), 9–7
البطل 2009 اوستراليا المفتوحه جامده   سويسرا 
روجر فيديرار || 7–5, 3–6, 7–6(7-3), 3–6, 6–2
البطل 2010 فرنسا (5) طفله   سويسرا 
روبين سوديرلينج || 6–4, 6–2, 6–4
البطل 2010 ويمبلدون (2) نجيل  التشيك 
توماش بيرديخ || 6–3, 7–5, 6–4
البطل 2010 امريكا جامده  صربيا و مونتنيجرو 
نوڤاك ديوكوفيتش || 6–4, 5–7, 6–4, 6–2
البطل 2011 فرنسا (6) طفله   سويسرا 
روجر فيديرار || 7–5, 7–6(7-3), 5–7, 6–1
المركز التانى 2011 ويمبلدون (3) نجيل  صربيا و مونتنيجرو 
نوڤاك ديوكوفيتش || 4–6, 1–6, 6–1, 3–6
المركز التانى 2011 امريكا جامده  صربيا و مونتنيجرو 
نوڤاك ديوكوفيتش||2–6, 4–6, 7–6(7–3), 1–6
المركز التانى 2012 اوستراليا المفتوحه جامده  صربيا و مونتنيجرو 
نوڤاك ديوكوفيتش||5–7, 6–4, 6–2, 6–7(5–7), 7–5
البطل 2012 فرنسا (7) طفله  صربيا و مونتنيجرو 
نوڤاك ديوكوفيتش|| 6–4, 6–3, 2–6, 7–5
البطل 2013 فرنسا (8/1) طفله  ESP 
ديفيد فيرير||6-3, 6-2, 6-3
البطل 2013 امريكا (2) جامده  صربيا و مونتنيجرو 
نوڤاك ديوكوفيتش||6–2, 3–6, 6–4, 6–1
مركز تانى 2014 اوستراليا المفتوحه (2) جامده   سويسرا 
ستانيسلاس ڤاڤرينكا||3–6, 2–6, 6–3, 3–6
البطل 2014 فرنسا (9) طفله  صربيا و مونتنيجرو 
نوڤاك ديوكوفيتش||3–6, 7–5, 6–2, 6–4
مركز تانى 2017 اوستراليا(3) جامده   سويسرا 
روجر فيديرار ||4–6, 6–3, 1–6, 6–3, 3–6
البطل 2017 فرنسا (10) طفله   سويسرا 
ستانيسلاس ڤاڤرينكا||6–2, 6–3, 6–1
البطل 2017 امريكا (3) جامده  جنوب افريقيا 
كيڤين انديرسون||6–3, 6–3, 6–4
البطل 2018 بطولة فرنسا المفتوحه (11) Clay  AUT 
دومينيك تيم||6–4, 6–3, 6–2
مركز تانى 2019 اوستراليا جامده  صربيا و مونتنيجرو 
 نوڤاك ديوكوفيتش
3–6, 2–6, 3–6
البطل 2019 بطولة فرنسا المفتوحه (12) طفله  AUT 
دومينيك تيم
6–3, 5–7, 6–1, 6–1
البطل 2019 امريكا (4) جامده روسيا دانييل ميدڤيديڤ 7–5, 6–3, 5–7, 4–6, 6–4
البطل 2020 بطولة فرنسا المفتوحه طفله  صربيا و مونتنيجرو 
نوڤاك ديوكوفيتش
6-0, 6-2, 7-5
البطل 2022 اوستراليا المفتوحه (2) جامده روسيادانييل ميدڤيديڤ 2–6, 6–7(5–7), 6–4, 6–4, 7–5
البطل 2022 بطولة فرنسا المفتوحه (14) Clay النرويج كاسبر رود 6–3, 6–3, 6–0

العاب اوليمبيه

رافاييل نادال كسب الميدالية الذهب فى فردى التنس فى الالعاب الأولمبية 2008 و كسب الميدالية الذهب فى زوجى الرجاله مع مارك لوبيث فى الالعاب الأولمبية 2016

مؤسسة رافا نادال

نادال شارك ف تايلاند ف مشروع "مليون شجرة للملك" ، و غرس شجرة تكريم لجلالة الملك بوميبول أدولياديج فى زيارةلهوا هين فى زيارته عشان يلعب ف بطولة تايلاندا المفتوحه سنة 2010 ، و قال "بالنسبة لى ده شرف كبير أنى أكون جزء من المشروع ده و عايز أهنى الشعب التايلاندى و أهنى الملك و أتمنا كل التوفيق للفكره . دى فكره لطيفه جدا".

مؤسسة رافا نادال ابتدت ف نوفمبر 2007، و كان العرض الرسمى ف شهر فبراير سنة 2008، ف نادى ماناكور للتنس ف مايوركا، اسبانيا. و بتركز المؤسسة على الشغل الاجتماعى ومساعدات التنميه و بالخصوص ف مجال الطفوله و الشباب.[39] مامة نادال، آنا ماريا باريرا، هيا رئس مؤسسة رافا نادال الخيريه و باباه سيباستيان هو نايب الرئيس.

مركز رياضه

رافاييل نادال بيملك و بيتدرب فى مركز رافا نادال الرياضى (40,000 م2, 430,000 قدم2) فى ماناكور. المركز فيه اكاديمية تنس رافا نادال اللى فيها المدرسة الامريكانيه الدولية ف مايوركا.[40] المركز فيه كمان سكن رياضى و متحف رافائيل نادال و عيادة صحية و مركز للياقة البدنية مع منتجع صحى و كافيه. المركز فيه 26 ملعب تنس من مناطقه الرياضية.[40]

كويكب

128036 رافاييلنادال هو كويكب اتسما على اسم رافاييل نادال.

شوف كمان

لينكات برانيه

فيه فايلات فى تصانيف ويكيميديا كومونز عن:

خطأ لوا في وحدة:External_links على السطر 936: bad argument #1 to 'ipairs' (table expected, got nil).

</noinclude>

مصادر

  1. ↑ "Marc Lopez joins Rafael Nadal's coaching team".
  2. ↑ "ATP Prize Money Leaders" (PDF).
  3. ↑ "Rafael Nadal". ATP World Tour. اطلع عليه بتاريخ 2015-02-08.
  4. ↑ BBC French Open: Rafael Nadal beats روجر فيديرار to win title
  5. ↑ Evening standard
  6. ↑ Harwitt، Sandra (1 August 2008). "Is Rafael Nadal the best clay-court player ever?". ESPN. اطلع عليه بتاريخ 5 ابريل 2010. {{استشهاد بخبر}}: تحقق من التاريخ في: |accessdate= (مساعدة)
  7. ↑ "Rafael Nadal retakes king of clay title with french open win". foxsports.com. مؤرشف من الأصل في 2010-07-04. اطلع عليه بتاريخ 1 يوليه 2010. {{استشهاد ويب}}: تحقق من التاريخ في: |accessdate= (مساعدة)
  8. ↑ Tandon، Kamakshi. "Weighing Rafa's dominance on dirt". ESPN. اطلع عليه بتاريخ 1 يوليه 2010. {{استشهاد بخبر}}: تحقق من التاريخ في: |accessdate= (مساعدة)
  9. ↑ Kervin، Alison (23 ابريل 2006). "The Big Interview: Rafael Nadal". The Sunday Times. London. مؤرشف من الأصل في 2011-09-07. اطلع عليه بتاريخ 5 ابريل 2010. {{استشهاد بخبر}}: تحقق من التاريخ في: |accessdate= و|date= (مساعدة)
  10. ↑ mirror.co.uk, Mighty Nadal is one of best four players ever, says John McEnroe
  11. ↑ ATP World tour, NADAL'S CAREER GRAND SLAM. Nadal A Man In A Hurry
  12. ↑ "Top 10 Men's Tennis Players of All Time". Sports Illustrated. مؤرشف من الأصل في 2010-09-18. اطلع عليه بتاريخ 2010-09-23.
  13. ↑ أ ب "Nadal launches new reign at U.S. Open". Reuters. 22 Aug. 2008. مؤرشف من الأصل في 2016-03-04. اطلع عليه بتاريخ 4 Jul. 2010. {{استشهاد ويب}}: تحقق من التاريخ في: |accessdate= و|date= (مساعدة) واستعمال الخط المائل أو الغليظ غير مسموح: |publisher= (مساعدة)
  14. ↑ أ ب "Federer-Nadal rivalry as good as it gets". International Herald Tribune (Associated Press). 7 يوليه 2008. مؤرشف من الأصل في 2008-08-23. اطلع عليه بتاريخ 14 فبراير 2009. {{استشهاد بخبر}}: تحقق من التاريخ في: |date= (مساعدة)
  15. ↑ أ ب Jenkins، Bruce (7 يوليه 2008). "The Greatest Match Ever". The San Francisco Chronicle. اطلع عليه بتاريخ 7 August 2008. {{استشهاد بخبر}}: تحقق من التاريخ في: |date= (مساعدة)
  16. ↑ أ ب Alleyne، Richard (7 يوليه 2008). "Wimbledon 2008: John McEnroe hails Rafael Nadal victory as greatest final ever". The Daily Telegraph. London. اطلع عليه بتاريخ 7 August 2008. {{استشهاد بخبر}}: تحقق من التاريخ في: |date= (مساعدة)
  17. ↑ Wertheim، Jon (9 يوليه 2008). "Without a doubt, it's the greatest". Sports Illustrated. Time Inc. مؤرشف من الأصل في 2013-08-13. اطلع عليه بتاريخ 4 ابريل 2009. {{استشهاد بخبر}}: تحقق من التاريخ في: |accessdate= و|date= (مساعدة)
  18. ↑ Alistair Magowan (7 يوليه 2008). "Roger v Rafa – the best final ever?". BBC Sport. اطلع عليه بتاريخ 8 يوليه 2008. {{استشهاد بخبر}}: تحقق من التاريخ في: |accessdate= و|date= (مساعدة)
  19. ↑ يوروسبورت: نادال يسحق فيدرر بسهولة ويتوج ملكاً لروما
  20. ↑ BBC Sport:Rafael Nadal wins Madrid Masters after Kei Nishikori retires
  21. ↑ نادال يهزم ميدفيديف ويتوج بلقب تورونتو
  22. ↑ ATOTourːNadal Saves M.P., Makes It A Dozen In Barcelona
  23. ↑ AS:Rafael Nadal wins French Open; becomes oldest champion at Roland Garros
  24. ↑ خطأ لوا في وحدة:TwitterSnowflake على السطر 37: attempt to call upvalue 'Date' (a nil value).
  25. ↑ Zagoria, Adam (31 May 2022). "Rafael Nadal Tops Novak Djokovic In Quarterfinals As He Eyes 14th French Open, 22nd Grand Slam Title". Forbes (بالإنجليزية). Retrieved 2024-06-20.
  26. ↑ Ramsay, George (5 Jan 2024). "Rafael Nadal squanders three match points in Brisbane International defeat against Jordan Thompson". CNN (بالإنجليزية). Retrieved 2024-02-02.
  27. ↑ Hamilton، Tom (27 مايو 2024). "Rafael Nadal loses in first round of French Open for first time". ESPN. اطلع عليه بتاريخ 2024-05-27.
  28. ↑ "After four-hour Bastad quarterfinal win, Rafael Nadal rallies again for spot in first final since 2022". Tennis.com. اطلع عليه بتاريخ 2024-07-23.
  29. ↑ "Nuno Borges defeats Rafael Nadal for Bastad title | ATP Tour | Tennis". ATP Tour (بالإنجليزية). Retrieved 2024-08-07.
  30. ↑ "Rafael Nadal's career ends with Spain's Davis Cup finals defeat by Netherlands". The Guardian. اطلع عليه بتاريخ 2024-11-20.
  31. ↑ "Rafael Nadal's career ends as Spain is ousted at Davis Cup". ESPN. اطلع عليه بتاريخ 2024-11-20.
  32. ↑ "Retiring Nadal's career over after Spain's Davis Cup defeat". BBC Sport. اطلع عليه بتاريخ 2024-11-20.
  33. ↑ "Ten great tennis rivalries". The Independent. 8 يوليو 2008. اطلع عليه بتاريخ 2010-12-08. روجر فيديرار v Rafael Nadal. Time span: '04-present (18 matches). Head to head: Nadal 12, Federer 6. Grand Slam finals: Six; Nadal leads 4–2. Wimbledon: Three finals, 2006, 2007; 2008; Federer won first two, Nadal won Sunday's epic. After Sunday there can be no doubt these two now rank alongside the great tennis rivalries. {{استشهاد بخبر}}: يحتوي الاستشهاد على وسيط غير معروف وفارغ: |coauthors= (مساعدة)
  34. ↑ Alistair Magowan (7 يوليه 2008). "Roger v Rafa – the best final ever?". BBC Sport. اطلع عليه بتاريخ 8 يوليه 2008. {{استشهاد بخبر}}: تحقق من التاريخ في: |accessdate= و|date= (مساعدة)
  35. ↑ Keeping score Rafael Nadal Wins U.S. Open Championship
  36. ↑ ATP World Tour :Nadal Edges Djokovic In Montreal Thriller, Faces Raonic in Final
  37. ↑ "اندى موررى to play Djokovic in Miami final after Nadal withdraws". BBC Sport. 1 ابريل 2012. اطلع عليه بتاريخ 6 فبراير 2012. {{استشهاد بخبر}}: تحقق من التاريخ في: |date= (مساعدة)
  38. ↑ "Great AO Champions". AustralianOpen.com. اطلع عليه بتاريخ 2012-02-04.
  39. ↑ "RAFA NADAL Foundation". Fundacionrafanadal.com. اطلع عليه بتاريخ 3 يونيه 2011. {{استشهاد ويب}}: تحقق من التاريخ في: |accessdate= (مساعدة)
  40. ↑ أ ب "The Brand Rafael Nadal: Businesses (Part 2)". Score and Change. 5 مارس 2019. اطلع عليه بتاريخ 10 يونيه 2019. {{استشهاد ويب}}: تحقق من التاريخ في: |access-date= (مساعدة)
رافاييل نادال فى المشاريع الشقيقه

ملاحظات

اتجابت من "https://arz.wikipedia.org/w/index.php?title=رافاييل_نادال&oldid=10866552"