ياسير الزناڭي
ياسير الزناڭي
| ||
| معلومات عامة | ||
| زيادة | 1970 (53/54 عام) طانجا | |
| لجنسية | لمغريب | |
| لحرفة | سياسي و موهنديس | |
| لّوغات لي كيعرف | عربية و لوغات أمازيغية | |
| معلومات خرى | ||
| لحيزب | تجمع لوطني د لأحرار | |
ياسير الزناڭي (بالفرونصي: Yassir Zenagui) مزيود ف 1970 ف طانجة. هو سياسي، ؤ مهندس ؤ رجل أعمال (businessman) مغربي. كان وزير السياحة ؤ الصنعة التقليدية من يناير 2010 حتال دجنبر 2011 ف الحكومة د عباس لفاسي. ب ما أنه ما كان منتامي ل حتى شي حزب، فا قرر يلتاحق ب حزب التجمع الوطني د لأحرار. ف 6 دجنبر 2011، عينو الملك محمد السادس مستشار د الديوان الملكي.[1][2]
ياسير الزناڭي كمل القراية الجامعية ديالو ف المدرسة العالية د لانفورماتيط إليكطرونيك ؤطوماتيك École Supérieure d’Informatique Electronique Automatique ف پاري اللي تخرّج منها كا مهندس ؤ خدا منها ديپلوم فالهندسة د لانفورماتيك فالتخصص د الدكا الصطيناعي ف 1995.[1][3] من بعدها غادي يشارك ف مشروع بحتي فالابو د الشكال ؤ الدكا الصطيناعي Le LAboratoire FORmes et Intelligence Artificielle (LAFORIA) اللي هو عبارة على مركز وطني د البحت فالدكا الصطيناعي.[3]
ياسير الزناڭي بدا الكاريير ديالو مع صوصييطّي جينيرال Société Générale (پاري) كا مهندس د الفينونص (الموديليزاصيو الماطية د المنتوجات المديريڤيا ب فائدة). موراها ولّى تريدر د المنتوجات المديريڤيا. شد المنصب د نايب الرايس ؤ مدير مكلّف د لاكتيڤيطّي د التريدين ف بنكة الاستسمار د صوصييطّي جينيرال Société générale investment banking ف لندن. موراها غادي يتعيّن مدير د التحكيم ف التريدين د المنتوجات المديريڤيا الفينونص العالمية Trading Arbitrage Produits dérivés Global Finance فالدويتشا بانك Deutsche Bank ف لندن. هو عاوتاني الفونضاطّور ؤ المدير د ڭروپ صيينا SIENNA GROUP ف لندن - صندوق د لاستتمار فالسياحة - بغرض المعاونة فالدينامية القتيصادية بينات المغريب ؤ البلاصة الفينونصية د لوندن.
ياسير الزناڭي خدا ب صيفتو وزير د السياحة "الجائزة الدولية 2010 د السطراطيجي ؤ ليبداع" على ود التصاويب ديالو ل الرؤية د 2020 د السياحة فالمغريب.
ياسير الزناڭي بدا الحياة السياسية ديالو كا لامنتامي ؤ من بعد غادي يقرر يلتاحق ب حزب التجمع الوطني د لأحرار. ف يناير 2010 غادي يعينو الملك كا وزير د السياحة ؤ الصنعة التقليدية فالحكومة د عباس الفاسي الفهري. غايبقى فالمنصب ديالو ل مدة عامين كاملين حتال دجنبر 2011. ف 6 دجنبر 2011، الملك محمد السادس غادي يعيّنو مستشار د الديوان الملكي. المنصب اللي غايبقا فيه حتال دابا ؤ غايرافق الملك ف بزاف د الجولات الديپلوماسية برا المغريب.
- ^ a b "نبذة عن السيد ياسر الزناكي". مغرس. مأرشيڤي من لأصل ف 2023-06-07. تطّالع عليه ب تاريخ 2023-06-07.
- ^ "Wayback Machine". web.archive.org. 2018-04-15. مأرشيڤي من لأصل ف 15 أبريل 2018. تطّالع عليه ب تاريخ 2023-06-07.
- ^ a b "actuel". www.actuel.ma. تطّالع عليه ب تاريخ 2023-06-07.