Pedro Ara Sarria
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Pedro Ara Sarria | |
|---|---|
| |
| Información personal | |
| Calendata de naixencia | 1898 |
| Puesto de naixencia |  Zaragoza (Aragón)
|
| Calendata de muerte | 1973 |
| Puesto de muerte |  Buenos Aires (Archentina)
|
| Alma Máter | Universidat Complutense de Madrit |
| Ocupación | Medico y anatomista |
Pedro Ara Sarria naixito de Zaragoza, en l'anyo 1898 y muerto en Buenos Aires, Archentina, en l'anyo 1973, fue un medico, doctor y anatomista aragonés que yera especializau en a conservación de piezas anatomicas con o proceso de parafinación dito asinas por a utilización de parafina. Aplicó ista tecnica ta a conservación de cuerpos de personaches famosos, como con os d'Eva Perón y Manuel de Falla.[1]
Licenciau en l'anyo 1917 y Doctor en Medicina y Cirurchía por a Universidat Complutense de Madrit en 1919.[1] En l'anyo 1925 dimpués d'una conferencia en Sevilla d'os doctors d'a Facultat de Medecina d'a Universidat de Córdoba d'Archentina, que yeran en Espanya ta contractar un anatomista ta a suya universidat, lo convencioron ta treballar ta éls. Pedro Ara treballó como director d'o Instituto Anatomico, profesor titular, en o Museu Anatomico d'a Universidat, dito en l'actualidat Museu Anatomico Pedro Ara y creó a Escuela d'Anatomía, a on que fizo amostranza d'as complicatas tecnicas ta a conservación de piezas anatomicas, en l'anyo 1932 torna ta Espanya dimpués de formar destacaus disciplos.[2] En Espanya yera titular d'a catedra d'a Universidat de Valencia en excedencia y aconsigue a catedra en a Universidat de Cádiz por treslau, aconsigue dimpués por oposicions a catedra en Madrit pero en 1939 torna a Archentina dica l'anyo 1964 que torna a Espanya y a la Residencia del Pinar d'o CSIC, a on que tutela a chóvens investigadors.
Muere en Buenos Aires, Archentina, deixando 59 treballos d'anatomía y amostranza medica publicaus en castellano y cualques en francés, anglés y alemán.[3]
Bibliografía
[editar | modificar o codigo]- Matilla, Valentín, 202 Biografías Académicas. Real Academia de Medicina, 1987. ISBN 84-7391-157-1.
Referencias
[editar | modificar o codigo]Vinclos externos
[editar | modificar o codigo]
- Anatomistas d'Aragón
- Alumnos d'a Universidat Complutense de Madrit
- Alumnos d'a Universidat de Zaragoza
- Catedraticos d'a Universidat de Cádiz
- Catedraticos d'a Universidat de Córdoba (Archentina)
- Catedraticos d'a Universidat de Valencia
- Exiliaus aragoneses en Archentina
- Medicos d'Aragón
- Muertos en Buenos Aires
- Naixius de Zaragoza
- 1898 (naixencias)
- 1973 (muertes)