Laco Te Anau
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Laco Te Anau Lake Te Anau | |
---|---|
![]() Laco Te Anau | |
Administración
| |
País | ![]() |
Estau | |
Provincia | |
Comarca | |
Municipio | |
Cheografía
| |
Tipo | Laco |
Orichen | |
Superficie | 344 km² |
Superficie | ha |
Altaria | 210 m |
Longaria | 65 km |
Amplaria | km |
Fondura | 417 m |
Volumen | hm³ |
Hidrografía
| |
Fuent | Río Eglinton, río Clinton, río Worsley, río Glaisnock, río Wapiti, río Doon, McKenzie Burn, río Upukerora |
Desagüe | Río Waiau |
Desagües | |
Mapa
| |
O laco Te Anau (en anglés Lake Te Anau) ye un laco situau en a esquina sudoccidental d'a Isla d'o Sud de Nueva Zelanda. O laco cubre un aria de 344 km², estando asinas por a suya superficie o segundo laco más gran de Nueva Zelanda (dimpués d'o laco Taupo) y o más gran d'a Isla d'o Sud. Ye o laco mas gran d'Australasia por volumen d'augua.[1]
O cuerpo prencipal d'o laco va en dirección norte-sud y tien una largaria de 65 km. Bi ha tres grans brazos formaus por fiordos en o canto ueste d'o laco: o fiordo d'o norte, o fiordo d'o meyo y o fiordo d'o sud. Istos son os unicos fiordos interiors que tien Nueva Zelanda, os atros 14 que bi ha se troban en a costa. Bi ha cuantas islas chicotas en a dentrada d'o fiordo d'o meyo que forman un forcallo dividindo a dentrada d'o fiordo en dos brazos. A superficie d'o laco se troba a una altaria de 210 metros. Tien una fondura meyana de 417 metros,[2] por o que a suya parti mas funda ye a 226 metros por debaixo d'o livel d'a mar.
Cuantos ríos alimentan a o laco, estando o más important o río Eglinton, que desemboca o canto oriental, debant d'a entrada d'o fiordo d'o norte. O suyo desagüe ye en o río Waiau, que fluye enta o sud mientres cuantos kilometros dica o laco Manapouri. A localidat de Te Anau se troba en a esquina sudoriental d'o laco, amán d'o desagüe.
A mayor parti d'o laco se troba aintro d'o Parque Nacional de Fiordland y d'o puesto Patrimonio d'a Humanidat Te Wahipounamu, estando iste zaguero reconoixiu internacionalment enn 1990. Antiparti d'a localidat de Te Anau, o solo puesto habitau chunto a o laco ye a grancha de Te Anau Downs, amán d'a desembocadura d'o río Eglinton. Entre istos dos puestos o terreno ye pleno de tozals, encara que en atras partis ye montanyoso, mas que mas a o largo d'o suyo canto occidental, a on as sierras de Kepler y Murchison plegan dica os 1.400 metros sobre a superficie d'o laco.
O laco Te Anau estió important para a tribu maorí d'os ngai tahu en tiempos pre-europeus, ya que ista zona yera un punto tradicional d'aturada en as suyas rotas entre as costas este y ueste d'a Isla d'o Sud de Nueva Zelanda, a on obteneban comida y recursos. O laco fue descubierto por primera vegada por os exploradors europeus Charles Naim y William Stephen en 1852.
Dos d'os Senders de Gran Recorrido de Nueva Zelanda prencipian en o laco. Milford Track prencipia en o canto norte d'o laco y Kepler Track prencipia y remata en o canto sud, chunto a o río Waiau.
Referencias
[editar | modificar o codigo]- ↑ (en) "Archived copy". Archived from the original on 2010-05-23. https://web.archive.org/web/20100523084313/http://www.realjourneys.co.nz/content/library/Background_Info__Caves_Education_Pack.pdf. Retrieved 2009-08-30.
- ↑ (en) "Lakes in New Zealand". Ministry for the Environment. Archived from the original on 2008-10-15. https://web.archive.org/web/20081015213629/http://www.mfe.govt.nz/publications/ser/snapshot-lake-water-quality-nov06/html/page4.html.