Grillo
- Iste articlo tracta sobre os grillos en as estructuras de resistencia de cualques plantas. Ta las grillas (insectos) se veiga Gryllidae.
![](http://upload.wikimedia.org/wikipedia/commons/thumb/a/a0/Potato_sprouts.jpg/230px-Potato_sprouts.jpg)
Un grillo (presumptament, d'o latín <*GALLELLUS[1]) ye una chema que brosta en a superficie exterior d'as estructuras de resistencia de cualques plantas, como tuberclos, radices tuberosas, bulbos y rizomas, a partir de teixius meristematosos d'os cuals a especie les dota, y que puede convertir-se en o primordio d'un nuevo piet d'a planta, tot reproducindo-la de forma vechetativa.
Os grillos se producen en cualques especies domesticas, como a trunfa, a cebolla u l'allo, cuan fa bel tiempo que reposan u son almagazenadas. A l'aparición d'iste tipo d'estructuras se le diz «grillar-se», y se diz que una d'istas hortalicias ye «grillada» cuan li han amaneixiu grillos en a superficie.
En o saber popular, as hortalicias d'ixes tipos que son grilladas se considera que han perdiu cualque cosa d'as suyas propiedaz y caracteristicas organolepticas, por o que preferentment se desestiman de consumo y simplament se volan u se destinan ta simient.
Se veiga tamién
[editar | modificar o codigo]Referencias
[editar | modificar o codigo]- ↑ (es) Voz «grillo» en a edición en linia d'o Diccionario de la Real Academia Española; consultau o 15 de mayo de 2012.