Club Deportivo Universidad de Zaragoza
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
C. D. Universidad de Zaragoza | |||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||||||
Datos | |||||||||||||||||||||||||||
Nombre oficial | Club Deportivo Universidad de Zaragoza | ||||||||||||||||||||||||||
Establito | 1993 como Club Deportivo Universidad-Porcell | ||||||||||||||||||||||||||
Desaparición | 2012 | ||||||||||||||||||||||||||
Instalacions | |||||||||||||||||||||||||||
Nombre | José Manuel Juan Boix | ||||||||||||||||||||||||||
Localidat | Zaragoza | ||||||||||||||||||||||||||
Zaguera temporada | |||||||||||||||||||||||||||
Liga | Tercera División (Grupo XVII) | ||||||||||||||||||||||||||
2011/12 | 15eno ![]() | ||||||||||||||||||||||||||
Equipacions | |||||||||||||||||||||||||||
|
A sección de fútbol estió una d'as seccions d'o Club Deportivo Universidad de Zaragoza, entidat poliesportiva aragonesa d'a ciudat de Zaragoza perteneixient a la Universidat de Zaragoza. Establito en 1993, desaparixe en 2013.
Historia
[editar | modificar o codigo]O club ye o resultato d'a fusión d'o Club Deportivo Universitario, fundato en 1966, y l'Agrupación Deportiva Porcell, fundata en 1974, istos dos formarán o Club Deportivo Universidad-Porcell en 1993, nombre con que nace lo club, dica la temporada 2000/01 que ya partecipa con o nombre de Club Deportivo Universidad de Zaragoza. En os primeros anyos, dimpués de puyar d'a Primera Rechional dezaga la suya fundación, o club consigue unos puestos meyanos en a tabla d'a Rechional Preferent, siendo Subcampión de grupo en a temporada 1996/97.
O suyo millor inte plegaría con a relación de filialidat que firmó con o Real Zaragoza mientres nueu anyos,[1] dende 2001 dica 2010, estando o suyo segundo filial.[2] Durant ista etapa lo primer equipo d'o Univerisdad pasaría a vestir la misma equipación (y encluso l'escudo) d'o Real Zaragoza, asinas sería conoixito antimás como Universidad-Real Zaragoza C, estando un escalofón intermeyo entre los chuvenils blanquillos y lo Real Zaragoza B, per tanto, plenament ficau en o tarabidau zaragocista. No lo faría asinas l'equipo d'a Segunda Rechional, o C. D. Universidad B, que continaría vestindo os colors orichinals d'o Universidad y estando independient d'o Real Zaragoza, sin partecipar en a suya estructura. O historiador Agustín Ubieto estió o zaguer president d'a entidat.[1][3]
En ista etapa lo club consiguió los suyos mayors meritos, devantado-se con cuatro campionatos d'a Rechional Preferent, y estando cuatro temporadas en a Tercera División, consiguiendo en 2006 un campionato d'ista categoría en o grupo aragonés y participando en un play-off d'ascenso ta Segunda B, pero quedandose en as puertas al perder con o C. D. Logroñés, y contradictoriament pese a os suyos meritos, descenciendo a Rechional Preferent debiu a lo descenso d'o Real Zaragoza B ta la Tercera División, que arrastraría de categoría a l'Universidad, data la filialidat. Fue asinas como consiguió la retaíla de títols en Rechional Preferent, mientres o Zaragoza B no consiguía puyar de división y reteniendo lo progreso de l'equipo. En 2010[2] o club universitario deixa la suya relación de filialidat con o Real Zaragoza posibilitando asinas que lo club puyara de división, feito que consiguiría a l'anyo siguient, en a que sería la suya zaguera temporada en a Tercera División d'Espanya.
Finalment, cuan ya se vaticinaba tiempos antis,[4] y debiu a la crisis economica d'o Real Zaragoza, o fin d'a relación de filialidat con o Universidad repercutiría gravement en a financiación y estructura esportiva d'o club. Rematada a temporada 2011/12, l'Universidad, dezaga dos anyadas de nuevo como club independient, estió a punto de disparixer,[5], teniendo que renunciar a lo suyo puesto en a Tercera División, pero siguiría compitiendo en a Segunda Rechional con a plaza d'o suyo segundo equipo.[1] Finalment, dezaga esvincular-se de cualsiquier relación con a Universidat de Zaragoza, os chugadors deciden cambear tamién a denominación de l'equipo dau que ya no en tendrían garra relación con a institución, pasando os suyos antigos chugadors que restaban encara a lo Club Deportivo Hispanidad, que actualment compite en a Segunda Rechional B.
Chugadors
[editar | modificar o codigo]- Categoría prencipal: Futbolistas d'o CD Universidad de Zaragoza
Temporadas
[editar | modificar o codigo]![](http://upload.wikimedia.org/wikipedia/commons/thumb/4/4b/Universidad_0_-_Altorric%C3%B3n_0%2C_%282008-10-19%29.jpg/325px-Universidad_0_-_Altorric%C3%B3n_0%2C_%282008-10-19%29.jpg)
|
|
Títols
[editar | modificar o codigo]Títols nacionals
[editar | modificar o codigo]- Campión d'a Tercera División (1): 2005/06 (Grupo XVI).
Títols rechionals
[editar | modificar o codigo]- Campión d'a Rechional Preferent (5): 2001/02 (Grupo II), 2006/07 (Grupo I), 2007/08 (Grupo II), 2008/09 (Grupo II), 2010/11 (Grupo I).
- Subcampión d'a Rechional Preferent (2): 1996/97 (Grupo II), 2009/10 (Grupo I).
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 1,2 (es) Reiniciando el Universidad, El Periódico de Aragón (6 de chulio de 2012).
- ↑ 2,0 2,1 (es) El Universidad deja de ser filial y pasa a colaborador, Heraldo de Aragón (8 de chunio de 2006).
- ↑ (es) Nota biografica d'Agustín Ubieto Arteta, Blog de Manuel Siurana (24 d'abril de 2008).
- ↑ (es) El Zaragoza prepara un plan de ajuste que reducirá su presupuesto cerca del 50%, Heraldo de Aragón (16 de chinero de 2009).
- ↑ (es) Universidad de Zaragoza desaparición inminente, Aragon Digital (28 de chunio de 2012).