Cervus elaphus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Cervus elaphus
Eixemplars de Cervus cervus
Denominacions populars
Ciervo, pardo
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Mammalia
Subclase:	Theria
Orden:	Artiodactyla
Familia:	Cervidae
Subfamilia:	Cervinae
Tribu:	Cervini
Chenero:	Cervus
Especie:	C. elaphus
Descripción
Cervus elaphus Linné, 1758
Distribución cheografica
Distribución de Cervus elaphus en Europa

Cervus elaphus ye una especie de mamifero de l'orden artiodactila, familia cervidae, distribuita por o Palearctico y a sola especie d'o suyo chenero autoctona d'Europa.

Zoonimia

O zoonimo mes documentau en textos medievals navarro-aragoneses ye ciervo, visible en o "Vidal Mayor":

Quoando el puerco montés matan muitos, el qui primerament lo ferió deve aver la cabeça con el pescueço, et si alguno feriere ante con un dardo o lança o sayeta mulo salvage, es assaber cebro masclo, o ciervo ho cabirol, ercum, es assaber cabrón salvage, o otras bestias semeillables, deve aver cuero con la mjtat de la carne, et la otra mittat deven aver aqueillos qui fueron en la muert d'aqueilla bestia.

Tamién en o "Fuero Cheneral de Navarra":

En la caça de puerco ho de cieruo o de corço Uenado q(ue) deue au(er) q(u)i p(r)imero fiere. q(u)i mata en mont el q(u)i primero fiere al puerco montes aq(ue)ill deue auer la cabeça con el pescueço. Si ningun om(n)e feriere a corço ho cieruo de sayeta ho de lança aq(ue)ill deue auer el cuero & la media dela carne si otros lo matan. Otro si qui mata cierbo deue auer la media dela carne & el cuero con las ancas.

NJngun labrador. si la segueçe(n) o(mn)e. no(n) deue caçar ningu(n)a caça sacando con tochos. saluo delas fieras como puerco montes ho Onso. o Cieruo ho Corço.

En o "Libro d'el Trasoro" en parlan baixo o epigrafe de cieruo:

Cieruo es vna bestia saluage q(ue) dize(n) los antigos q(ue) ellos ha(n) scalenta(das)mje(n)to de fiebre en todos dias de su vida . e por esto so(n) Algu(n)as gentes q(ue) com(e)n de su carne cada vn dia ant(e) de yantar e son seg(ur)os de fiebr(e)s ta(n)to como ellos biue(n) . Cierto si el cie(r)uo fues mue(r)to de vn colp sola ment el ha vn hueso en(e)l coraço(n) q(ue) vale muyto en medici(n)a segu(n)t lo q(ue) dize(n) los fisicos . los cie(r)uos mjsmos nos muestra(n) q(ue) es no(n)brada titamo por q(ue)la ui(r)tut q(ue) n(uest)ro senyor mjsso en aq(ue)lla yerba les tira las saetas del cue(r)po e los guareçe de las plagas.

O zoonimo ciervo, coincident con o castellano debe estar cheneral en cuasi tot l'Alto Aragón. Manimenos Rafael Vidaller Tricas lo menciona només que en Botaya. Os toponimos Cervera son muito estendillaus en Aragón, Catalunya y Valencia, y en bel caso se remontarían a lo latín CERVARIA ("puesto con muitos ciervos"), en atros a como se diz en catalán l'árbol "cerollera".

Podió haber-ie atros zoonimos relacionaus con o latín Vanatus, que en castellano ha dau venado, pus en La Rioja tenemos toponimos como Valvanera. En Valle de Vio tenemos a denominación de pardo.

Subespecies

S'han definiu diferents subespecies:

• Cervus elaphus elaphus, propio d'Europa Occidental dende o sud de Suecia dica Francia.
• Cervus elaphus scoticus, propio d'os Hihglands d'Escocia y as suyas islas, y tamién se troba en enclaus d'Anglaterra y Irlanda
• Cervus elaphus hippelaphus, propio d'Europa Central y os Balcans. En os Alpes occidentals y os Carpatos ye aislau.
• Cervus elaphus hispanicus, propio d'a Peninsula Iberica.
• Cervus elaphus barbarus, propio d'a Berbería.
• Cervus elaphus corsicanus, propio de Cerdenya y antigament tamién de Corcega.
• Cervus elaphus maral, propio d'Anatolia, Caucas y redolada d'a Mar de Caspia.
• Cervus elaphus bactrianus, propio d'Afganistán, Cazaquistán, Tachiquistán, Turkmenistán y Uzbekistán.
• Cervus elaphus yarkandensis, propio de Xinjiang.
• Cervus elaphus hanglu, propio de Caixmir.

Mitolochía

O ciervo, como animal de mida gran en a fauna europea amaneix en as mitolochías de bel pueblo d'Eurasia como por eixemplo os aragoneses (leyenda d'a fundación d'o Monesterio de Sant Chuan d'a Penya), y tamién sale en atros mitos euroasiaticos de cazata ritual como entre os hongaros, que lo fan extensible a los hunnos. Antes d'existir Aragón y os aragoneses en o territorio nord-este d'a Hispania romana ya bi heba mitos asociaus a los ciervos, como a cierva blanca de Sertorio, que a compilación historica "Grant Cronica d'Espanya" de Chuan Ferrández d'Heredia transmite:

un ho(m)bre pop(u)lar desbarbado a(n)da(n)do porel camino e(n)co(n)tro una çierua q(ue) fuya d(e)los caçadores q(ue)la e(n)calçaua(n) / & poco a(n)tes auia parido & e(n)calçaua al ç(er)uatiello & breum(en)t lo tomo. & Sertorio seyendo alla por esto q(ue) todos los caçadores & los lauradores d(e)la t(ie)rra q(u)ando auia(n) alguna cosa la leuaua(n) a el. / & el los recebia cortesam(en)t & les fazia graçias. Et esti homb(r)e le aduxo el çeruatiello / & s(er)torio lo reçibio aleg(r)ame(n)t & ap(r)iuado lo assy q(ue) q(u)ando lo clamaua el uenia. & alla do el yua lo siguia. & de ningu(n) remor q(ue)se fiziesse e(n)la huest no(n)se espa(n)taua ni fuya & poco a poco fazia a creyer q(ue)l d(i)c(h)o ç(er)uatiello era dono dea Junno. & dezia muchas cosas secretas d(e)l d(i)c(h)o ç(er)uatiello / assi como de cosa s(an)c(t)a. por(e)sto q(ue) conosçia q(ue)la barbara (barbara) nasçion liug(er)am(en)t se e(n)clina e(n) aq(ue)sta fe. & el ahun fazia esta maliçia. q(u)ando el sabia secretam(en)t q(ue) algu(n)a de s(us) t(ie)rras era rebellada / o q(ue)los enemigos fuesse(n) e(n)trados de(n)tro des(us) t(er)minos el les fazia creyer q(ue)l çeruatiello le auia dicho e(n) su suenyo / & ahun le dezia q(ue) huuiesse su huest apparellada. & ahu(n) si le uenia(n) nueuas q(ue) algu(n) su capitan huuiesse fecho alguna uictoria el esco(n)dia el message qui dizia las nueuas / & sacaua fuera el c(er)uatiello coro(n)ado significa(n)do q(ue) deuiesse(n) uenir bue(n)as nueuas. por tal q(ue)los suyos huuiesse(n) bue(n) coraço(n) & fiziesse(n) sac(r)ifiçios alos dioses / por q(ue) deuian oyr bue(n)as nueuas. & e(n)ta(n)to los s(u)biugo asu coma(n)damie(n)to co(n)estas cosas. q(ue) no les paresçia q(ue) homb(r)e forest(er)o los senyoreasse. a(n)tes les paresçia q(ue) auia(n) un dios por capita(n).

En a mitolochía griega o ciervo ye asociau a Artemis, y en a mitolochía romana o ciervo ye l'animal consagrau a Diana. O ciervo prenió una gran importancia en a mitolochía celta, y bi heba un dios con cuernos de ciervo Cernunnos. En Irlanda o ciervo ye l'animal totemico d'os fianna en o Ciclo de Leinster.

Vinclos externos

• Se veigan as imáchens de Commons sobre Cervus elaphus.
• Wikispecies tiene un articlo sobre Cervus elaphus.

• Datos: Q79794
• Multimedia: Cervus elaphus / Q79794
• Especies: Cervus elaphus