Catedra
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
![](http://upload.wikimedia.org/wikipedia/commons/thumb/b/b8/Cathedra_bishop_Cordoba.jpg/250px-Cathedra_bishop_Cordoba.jpg)
Catedra (pronunciau /kaˈtedra/, d'o latín <CATHĒDRA) ye un cultismo que designa una cadiera destacada y situada adebant y mas alta que atras, sobre un calcil u una tarima, principalment ixa en a cual s'asienta o bispe en os oficios liturchicos. A ilesia catedral[1] (u «seu») recibe ixe nombre porque ye aon se troba la «catedra» d'o bispe d'una diocesi.
En o mundo academico, a palabra catedra tamién s'emplega pa designar o cargo d'o profesor u docent que ocupa o puesto mas alto en o escalafón, un «catedratico», y tamién a fayena que fa y a materia que amuestra a os suyos alumnos. O emplego d'esta palabra dimana d'os profesors d'as universidatz medievals, que impartiban as suyas licions dende una cadiera mesa en alto d'una tarima, y por ixo mas altos que os suyos alumnos.
A palabra «catedra» tiene equivalents en atras luengas romances, como o catalán càtedra, o castellano cátedra, o portugués cátedra u o francés cathèdre. En luengas no romances, como l'alemán Kathedra y o ruso Кафедра, acuden directament a o latín y o griego pa fer a palabra parellana, dando-le asinas un tractamiento culto en toz os casos.
Referencias
[editar | modificar o codigo]- ↑ (an)(es) ROMANOS HERNANDO, Fernando, Diccionario aragonés-castellano castellano-aragonés; Edicions Transiberiano. Zaragoza, 2017. ISBN 978-84-16825-16-5