Castelló d'Empúries

	Castelló d'Empúries
	Municipio de Catalunya
	; A frontera d'a ilesia de Santa María de Castelló d'Empúries.
Entidat; • Estau; • Comunidat; • Provincia; • Comarca	Municipio; Espanya; Catalunya; Chirona; Alto Empordán
Superficie	42,29 km²
Población; • Total	; 11 731 hab. (2013)
Altaria; • Meyana	; 17 m.
Distancia; • 16 km; • 54 km; • 153 km	; enta Figueras (Chirona); enta Chirona; enta Barcelona
Alcalde	Salvi Güell i Bohigas
Codigo postal	17486, 17487
Chentilicio	Castelloní / castellonina (en catalán)
Coordenadas	42°15’29’’N 3° 4’28’’E
	Castelló d'Empúries Castelló d'Empúries en Catalunya
	Web oficial

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Castelló d'Empúries (Castelló d'Empúries en catalán y oficialment, Castellón de Ampurias en castellano) ye un municipio catalán situato en a comarca d'Alto Empordán y partiu chudicial de Figueras, en a provincia de Chirona.

A suya población ye de 12.220 habitants (2010), en una superficie de 42,29 km² con una densidat de población de 288,96 hab/km².

Castelló d'Empúries estió a capital historica d'o condau d'Ampurias (comtat d'Empúries en catalán). Hue, por a suya placha de gran longaria, ye un important destín turistico, y a suya población en os periodos vacacionals se dobla.

Cheografía

Castelló d'Empúries ye situato a 17 metros d'altaria sobre o livel d'a mar, a una distancia de 16 km de Figueras, a capital d'a suya comarca y partiu chudicial, a 54 km de Chirona, a capital d'a suya provincia, y a 153 km de Barcelona, a capital de Catalunya.

D'o suyo termin municipal fa parte a urbanización d'Empuriabrava.

Historia

A primera cita historica d'o lugar ye en 879, y en 1007 ya se documenta a suya ilesia. Sindembargo, Castelló d'Empúries ye a continuadora de l'antiga ciudat griega y dimpués romana d'Emporion/Ampuriae (hue en o termin municipal de L'Escala), que yera albandonata por estar a cantos d'a Mar Mediterrania y estar a sobén l'obchecto d'ataques piratas. En ixas envueltas, a ciudat yera no nomás a prencipal ciudat d'a comarca, sino tamién a capital d'o condau d'Ampurias y lugar de residencia d'o suyo conte.

Ya dende o sieglo IX bi ha documentos que indican a presencia en o lugar d'una comunidat chodiga, atro indicio d'a importancia d'a ciudat. Ista comunidat menguó a suya importancia dende o sieglo XIV.

Toponimia

En o sieglo XV s'escribiba Castellon Ampuries en o peache de Monzón.

Demografía

Evolución demografica

1497 f	1515 f	1553 f	1717	1787	1857	1877	1887	1900
391	-	399	1.261	2.911	3.260	2.856	2.781	2.591

1910	1920	1930	1940	1950	1960	1970	1981	1990
2.820	2.506	2.432	2.119	2.056	2.009	2.110	2.653	4.098

1992	1994	1996	1998	2000	2002	2004	2006	2008
3.712	4.447	4.830	5.283	6.266	7.530	7.777	10.021	-

2009	2010	2011	2012	2013	2014	2015	2016	2017
-	12.220	-	-	-	-	-	-	-

2018	2019	2020	2021	2022	2023	2024	2025	-
-	-	-	-	11.611	-	-	-	-

1497-1553: fuegos; 1717-1981: población de feito; 1990- : población de dreito

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007
CiU	1	6	5	7	4	3	5	6
PSC	7	5	4	2	1	-	3	3
Independients	-	-	2	-	4	8	-	3
ERC	-	-	-	-	2	1	3	3
PP	-	-	-	-	-	1	2	2
CC-UCD	3	-	-	-	-	-	-	-
CDS	-	-	-	2	-	-	-	-
Total	11	11	11	11	11	13	13	17

Fuent: MUNICAT, en a pachina web d'a Generalitat de Catalunya.

Alcaldes

Lista d'alcaldes
Lechislatura	Nombre	Partiu politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	Salvi Güell i Bohigas	Esquerra Republicana de Catalunya
2023-	Anna Massot	Esquerra Republicana de Catalunya

Molimentos

Ilesia de Santa María de Castelló d'Empúries, una ilesia d'os sieglos XIV-XV, d'estilo gotico, construita dencima de l'antigo edificio romanico. Ye adedicada a Santa María.
Palacio d'os contes de Castelló d'Empúries.