Mildred Pierce (cinta)

Iste articlo ye sobre una cinta estausunidense de cine negro de 1945; ta atros usos, se veiga Mildred Pierce.

Mildred Pierce
Títol	Mildred Pierce
Póster d'a cinta.
Ficha tecnica
Dirección	Michael Curtiz
Aduyant de dirección	Frank Heath
Dirección artistica	Anton Grot Bertram Tuttle
Producción	Jerry Wald
Guión adaptau	Ranald MacDougall
Basau en	Mildred Pierce, novela de James M. Cain (1941)
Musica	Max Steiner
Soniu	Oliver S. Garretson
Fotografía	Ernest Haller
Montache	David Weisbart
Escenografía	George James Hopkins
Maquillache	Perc Westmore Edwin Allen Bill Cooley
Peluquería	Geraldine Cole
Efectos especials	Willard Van Enger Harry Barndollar
Actors	Joan Crawford Jack Carson Zachary Scott Eve Arden Ann Blyth Bruce Bennett Lee Patrick Moroni Olsen Veda Ann Borg Jo Ann Marlowe Butterfly McQueen John Compton Charles Trowbridge Garry Owen
Color	Blanco y negro
Datos y cifras
País(es)	Estaus Unius
Anyo	1945
Debantadera	26 de setiembre de 1945 Estaus Unius
Chenero(s)	Cine negro
Durada	11 min.
Idioma(s)	Anglés
Companyías
Productora(s)	Warner Bros.
Distribución	Warner Bros.
Estudio(s)	Warner Brothers Burbank Studios
Presupuesto	1,4 millons de dólars
Recauto	5,6 millons de dólars
Informacions en bases de datos especializadas:

Mildred Pierce (títol orichinal, enguerada en Aragón con o títol d'Alma en suplicio) ye una cinta de cine estausunidense de cine negro enguerada l'anyo 1945 dirichida por Michael Curtiz seguntes un guión adaptau por Ranald MacDougall (basau en a novela Mildred Pierce que heba publicau James M. Cain l'anyo 1941), con una dirección de fotografía d'Ernest Haller, una banda sonora orichinal de Max Steiner, una producción cinematografica de Jerry Wald ta la productora cinematografica Warner Bros. y un elenco formau por Joan Crawford, Jack Carson, Zachary Scott, Eve Arden, Ann Blyth, Bruce Bennett, Lee Patrick, Moroni Olsen, Veda Ann Borg, Jo Ann Marlowe, Butterfly McQueen, John Compton, Charles Trowbridge y Garry Owen, entre d'atros actors.

A cinta prencipia con l'asasinato de Monte Beragon, lo segundo mariu de Mildred Pierce, asesinato d'o que la policía culpa a Bert Pierce, lo primer mariu. Mildred diz que ye imposible y prencipia a explicar en "flashback" la historia d'a suya vida dende que decidió esvurciar-se de Bert, un esvurcio provocau por a forma en que Mildred ye criando a las dos fillas d'o matrimonio, Veda de 16 anyos y que gola por destacar en a vida social y Kay, de 10 anyos, machifembra. Malas que se desepara de Bert, l'antigo socio d'iste, Wally Fay, setia a Mildred encara que ista no li fa cara. Mildred se veye obligada a treballar, amagando-le a sus fillas a on treballa, que ye en un restaurant. Cuan Veda tiene noticia d'ixo, s'avergüenya, dica que Mildred consigue ubrir o suyo propio restaurant, encara que nomás ye la propietaria d'a tercera parte, estando los atros copropietarios Monte Beragon y Wally Fay. Lo local ye un exito, pero bien luego Veda prencipia a coquetiar con Monte a la vegada que despende los diners y demana ampres d'amagau a las cambreras d'o restaurant. Ixo fa que Monte y Mildred tiengan una discusión a on Monte, que dica l'inte pareixeba admirar a Mildred, amuestra que li fa disprecio en treballar. Bien luego Mildred descubre que Veda s'ha casau d'amagau con un choven a qui en realidat no quiere y que amás a suya familia no sabe que s'han casau y ye en contra de raso d'a voda. En as negociacions ta l'esvurcio, Veda diz que ye enfardada (encara que ye mentira) ta conseguir diners d'a familia d'o suyo mariu, decindo-le dimpués a Mildred que tamién li fa disprecio por treballar, rematando la discusión con Mildred crebando lo cheque que ha recibiu la suya filla y aventando-la de casa. Tiempo dismpués, gracias a Bert descubre que su filla treballa como cantaire en un bar y decide casar-se con Monte ta dar-le a su filla una vida de luxo. encara que Monte desiche la tercera part d'o patrimonio de Mildred. Finalment, Monte vende a Bert la suya parte, a la vegada que ye forzando entre él y Veda a que Mildred acumule deutas dica lo punto que Bert decide intervenir o negocio ta que no s'esblodregue tot. Mildred descubre que en realidat Monte tien una relación con Veda, encara que ista descubre que tamién la disprecia a ella y mai no ha teniu l'obchectivo de casar-se, como ella pensaba.

A cinta s'ambienta en California en o suyo momento actual (1945) y las suyas escenas se filmoron en Glendale, Los Angeles y Malibu en California, amás d'en os Warner Brothers Burbank Studios en Burbank, tamién en California.

Ye una cinta qu ha recibiu bels premios y nominacions, en destacando un Premio Oscar (Millor Actriz) y cinco nominacions (Millor Cinta, Millor Guión Adaptau, Millor Fotografía en Blanco y Negro y dos a la Millor Actriz Segundaria) en a suya 18^ena edición.

Elenco

Actor	Papel	Notas
[[]]	'

Se veiga tamién

• Cine en 1945.
• Cintas de 1945.

Vinclos externos

• (en) Mildred Pierce en Internet Movie Database.
• (en) Mildred Pierce en AllMovie.
• (en) Mildred Pierce en l'American Film Institute Catalog de l'American Film Institute.
• (en) Mildred Pierce en TCM Movie.

• Datos: Q979726
• Multimedia: Mildred Pierce (film) / Q979726