Especie

Plantilla:Grafía 87 En biolochía, una espezie (d'o latín species) ye una d'as unidaz basicas d'a biodibersidat. Per un regular, una espezie ye constetuyita d'organismos endibiduals d'una poblazión natural, con:

• Capazidat ta cobrir-se entre ellos e reproduzir-se, librando nuebos endibiduos fertils.
• Aspeuto fesico, caracteristicas e chenoma semilars, pos tienen anzestros comuns en tiempos relatibament rezients.

D'antes no se determine si diferents endibiduos pertenixen á la mesma espezie, cal estudiar-los ta poder unificar-ne os rasgos á considerar. Anque bi ha diferents definizions d'espezie, güei a separazión d'entre espezies ye prou bien definita, á tamas d'a linia separadera d'espezies e sozespezies que ye més defizil de determinar concluyentement. As espezies s'agrupan en cheneros, familias, ordens..., d'alcuerdo con o suyo parentache filochenetico.

En a clasificazión zentifica, cada espezie tiene un nombre binominal; o primero ye espezificar-ne o chenero e dimpués a espezie, anque, ta identificar-la s'han de mentar es dos nombre chuntos, per un regular escritos en corsiba (perque son en latín) e subrayatos cuan son escritos á mano. Asinas, os umanos somos una espezie d'o chenero Homo, dita Homo sapiens. Esta nomenclatura estió estandarizada per Carl von Linné en o sieglo XVIII e á sobén s'en diz "nomenclatura linneguana". Més formalment, o nombre espezifico se gosa escribir con o suyo descubridor u descriptor acompañando-lo, chunto con l'año en que ne fazioron a primer descrizión.

Numero d'espezies

A paixarella monarca (Danaus plexippus) ye una espezie d'insecta.

Alto u baixo, o numero d'espezies d'eucariotas descritas (2004) se puet desglosar asinas:

• 58.808 Vertebrata:
  • 5.416 Mammalia
  • 9.934 Aves
  • 8.240 Reptilia
  • 5.918 Amphibia
  • 29.300 peixes

• 1.190.200 Imbertebratos:
  • 950.000 Insecta
  • 70.000 Mollusca
  • 40.000 Crustacea
  • 130.200 altros imbertebratos.

• 287.655 Plantae:
  • 15.000 molsas
  • 13.025 falzes
  • 980 Gimnosperma
  • 199.350 Magnoliopsida
  • 59.300 Lilliopsida

• 10.000 liquens

• 16.000 Fungi

Total: 1.562.663 espezies

Se beiga tamién

• Sistema de nomenclatura binominal
• Claseficazión zentifica
• Clase (biolochía)
• Orden (biolochía)
• Familia (biolochía)
• Chenero (biolochía)