Muniesa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Muniesa ye un municipio aragonés de la provincia de Teruel, situau en la comarca de las Cuencas Meneras y partiu chudicial de Calamocha.

Muniesa
Municipio d'Aragón
Entidat  • País  • Provincia  • Comarca	Municipio  Aragón  Teruel Cuencas Meneras
Partiu chudicial	Calamocha
Superficie	129,8 km²
Población  • Total	571 hab. (2013)
Altaria  • Meyana	782 m.
Distancia  • 107 km  • 80 km	enta Teruel enta Zaragoza
Alcalde	José Yus Blasco
Codigo postal	44780
Parroquial  • Diocesi  • Arcipestrau  • Parroquia	Teruel y Albarracín Mont Albán Asumpción de Ntra. Sra.
Coordenadas	41° 1’53’’N 0°48’35’’U
Muniesa Muniesa en Aragón
Web oficial

La suya población ye de 571 habitants, en una superficie de 129,8 km², con una densidat de población de 4,4 hab/km².

Cheografía

Muniesa ye situada a 782 metros d'altaria dencima de lo livel d'a mar, en una plana travesada por lo reguero Granjeta u reguero Farlán, a lo sudueste d'El Puerto (prolongación nordoccidental de la sierra d'Arcos, y a una distancia de 107 km de Teruel, la capital de la suya provincia, y a 80 km de Zaragoza, la capital d'Aragón.

Mugas

Lo suyo termin municipal muga con Albalat de l'Arcebispe, con Alacón, Arinyo, con Oliet, con Arcaine, con Chosa, con Corz d'Aragón, con Plou, con Blesa, con Moneva y con Lecera

Moneva	Lecera	Albalat de l'Arcebispe, Arinyo
Blesa		Alacón, Oliet
	Plou, Corz d'Aragón, Chosa	Arcaine

Clima

A suya temperatura anyal ye 13.58 °C, con una temperatura meya en chinero de 5.41 °C y en chulio de 24.28 °C.

Toponimia

Ye Montnesa en las primicias de 1279-1289, Muyniessa en lo Fogache de 1495.

Microtoponimos

Bi ha toponimos en aragonés o de base aragonesa como Los Baciones, Cascán, Farlán, La Gabardera, Carraíjar (referiu a Íxar), Mas Royo, El Plano de las Ventas, Corral de las Planas, Peirón de Garraolite (referiu a Oliet), Corral la Aliagosa, fuent Cerrada, plan de Alacón, La Cruceta, La Sarda, Masera, Hoya de Gabarda, Las suertes, Hilada de Plan Bornes, Corral del cerro de Gabarda, Tejería Royales, Hoya de Gabarda, ribazo del Pozuelo, Masera y El Hocino (castellanización de Focino).

En textos medievals de lo sieglo XV trobamos una mayoría de microtoponimos en aragonés en una ampla lista: Los Abellares, Los Aguamanales, Balsa Nueva, balsa Roya, cabezo Carrascoso, cabezo Ginebroso, cabezo Royo, La Canyada, La Canyadiella, Canyada de la Piedra Blanqua, El Carrascal, La Cerrada, El Collado, La Dehesa, La Facera, El Falconero, La Fillada, Foya Engómez, Foia Ginestosa, Foia de Lienas, Las Foyas, La Franja, Fuent del Curto, Fuente del Serrano, La Gabarda, La Gabardera, El Gachapiello, El Ginestariello, El Navallo, Loma de San Blas, Las Lomas, Los Melgare, Miralbueno, La Pedraza, Plan de Alacón, Plano de Alborne, Pozo La Lomera, El Pozuelo, El Povo, Foia del Puerto, Los Royales, Santa Bárbara, Las Suertes, El Reguero, Val de Ciervos, Los Vedados, toponimos que encara existen poco modificaus y Cabezo de Don Bertholomeu, Cabezo de Mar(t)ín, Cabezo Vayo, Cabezuelo Domingo Gil, Campos Pero Sese, Foia de Gonçalvo Duesso, Collado de Santa Craba, Corrales de Climent, Foia Domingo Martín, Las Figueruelas, El Piélago, La Laguniella, La Senda del molino Dan Domingo, El Plano de Joan Duesa y Los Olmos que ya no existen.

La part de lo termin que bi ha entre Moneva y Lecera ye conoixida como Albir y se troban los toponimos El Campiello, La Filada del Albir, Royales del Albir, Boalar del Albir, Nogueras del Albir y atros.

Historia

Dimpués de la suya conquiesta por lo reino d'Aragón, Muniesa fació part de la Honor de Uesa. En 1489 perteneixeba a la sobrecullida de Mont Albán, pero en lo fogache de 1495 figura como una localidat de la sobrecullida de Daroca.

Demografía

Evolución demografica

1992 1994 1996 1997 1998 1999 2000 2001 2002 - - - - 745 755 737 729 697

2003 2004 2005 2006 2007 2008 2009 2010 2011 704 712 709 723 725 714 684 669 665

2012 2013 2014 2015 2016 2017 2018 2019 2020 653 640 638 635 629 630 599 583 583

2021 2022 2023 2024 2025 2026 2027 2028 - 571 571 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									4
Partido Aragonés									2
Partido de los Socialistas de Aragón									1
Total									7

Alcaldes

Lista d'alcaldes

Lechislatura	Nombre	Partiu politico
1979–1983	Ignacio Blasco Sanz	UCD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	José Yus Blasco	PP
2015-2016	Pablo Iranzo Yus	PP
2016–2019	José Luis Iranzo Morales	PP
2019–2023
2023–2027	Jose Luis Iranzo Morales	PP

Puestos d'intrés

• Casal Aranguren (sieglo XVI).
• Ilesia parroquial de l'Asumpción (s. XVI-XVII), con elements en estilo mudéchar aragonés.
• Ermita d'a Virchen de l'Aliaga.
• Ermita de Santa Barbara.
• Casa d'os Flor.
• Paret d'os moros, antigo entibo roman d'o sieglo II.

Curiosidaz

Tienen como embotada Bachanos, que pareixe indicar que son ta baixo de las sierras de lo Sistema Iberico (Baxanos > Bachanos por cheada).

Fiestas

• 15 de mayo Sant Isidro Labrador.
• 10 d'agosto Sant Lorient.

Personalidaz naixidas de Muniesa

• Miguel de Molinos (1628 - 1696).
• Santiago Guallar Poza (1875 - 1946).

Vinclos externos

• www.Muniesa.org.
• (es) Información de Muniesa en a pachina web de lo Instituto de Estudios Turolenses.

• Datos: Q1651022
• Multimedia: Muniesa / Q1651022