La Foz de la Viella
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
La Foz de la Viella (La Hoz de La Vieja en castellano) ye un municipio aragonés de la provincia de Teruel, situato en la comarca de las Cuencas Meneras.[1]
La Foz de la Viella | |||
Municipio d'Aragón | |||
| |||
Entidat • País • Provincia • Comarca |
Municipio![]() ![]() Cuencas Meneras | ||
Partiu chudicial | Calamocha | ||
Superficie | 43,7 km² | ||
Población • Total |
87 hab. (2013) | ||
Altaria • Meyana |
932 m. | ||
Distancia • 103 km |
enta Teruel | ||
Alcalde | Antonio Lahoz Lahoz | ||
Codigo postal | 44791 | ||
Parroquial • Diocesi • Arcipestrau • Parroquia |
Teruel y Albarracín Mont Albán Ntra. Sra. d'as Nieus | ||
Coordenadas | |||
Web oficial |
La suya población ye de 96 habitants (2008) en una superficie de 43,7 km², con una densidat de población de 2,20 hab/km².
Cheografía
editarLa Foz de la Viella ye situada a piet de la sierra de Mont Albán en las dos marguins de lo río Cantalera, a una altaria de 932 metros sobre lo livel d'a mar y a una distancia de 103 km de Teruel, la capital de la suya provincia.
Mugas
editarLo suyo termin municipal muga con Obón, con Mont Albán, con la zona d'Armiellas de lo termin municipal de Vivel, con Segura de los Banyos, con Maicas, con Cortes d'Aragón y con Chosa.
Toponimia
editarLo toponimo La Foz de la Viella ye descriptivo de la foz que lo traviesa y pareixe transparent en aragonés pero prene lo suyo nombre de los materials terrichenos de lo Triasico inferior de facies Buntsandstein que i afloran. Lo rodeno d'etat triasica u cretacia d'atras zonas de lo Sistema Iberico ha orichinau toponimos mozarabes con la radiz rubiuel y dimpués rubiel que proviene de lo latín RUBEOLUS.
FAUCE(M) RUBEŎLA(M) > Foz rubiuela.
Por etimolochía popular y falsa segmentación cambió ta la Viella:
Foz Rubiuela > Foz Rubiela > Foz la Viella > Foz de la Viella
En Rationes decimarum Hispaniae (1279-80)[2] sale como Foz la Viela (la -ll- a vegadas se presentaba con -l-). En un texto de 1212 sale como Foz la Villa. La forma de la representa un caso de "falsa segmentación".
En lo sieglo XV en los textos se reduce a sobén a La Foz, y puet estar l'orichen d'un apelliu común en Teruel y Baixo Aragón, Lafoz u Lahoz.
En un texto escrito relativo a la Comunidat de Daroca en las actas de lo proceso de Corz de Zaragoza de 1398-1400 s'escribe como La Foz de la Vieja:
En un texto teruelano de 1434 sale Foz de la Vieia (tradicionalment s'ha suposau que la I representaba g, j de lo castellano medieval, pero bi ha criterios pa afirmar que en l'aragonés d'as comunidaz aragonesas ye como representaban a ch), y en lo fogache de 1495 sale como Foz de la Viexa, con una grafía interpretable tamién en los dos sentius.
La forma con fonetica aragonesa tipica encara se conservaba u se conoixeba en lo sieglo XV, y ye documentada en bel texto orichinario de l'este de la Comunidat de Teruel y textos no catalans escritos en lo Reino de Valencia adrezaus a los aragonesoparlants de la Comunidat de Teruel:
En 1436, lo baile cheneral de Valencia contestaba a una queixa de lo sindico de las aldeyas de la Comunidat de Teruel y de la villa de Mosqueruela asinas:
Encara en un texto de 1466 escrito en Cedriellas y en aragonés, s'escribiba La Foz de la Viella:
Encara en lo sieglo XVI se puet trobar escrito la Foz de la Viella. Cuan en l'anyo 1565 fue impresa en la imprenta de Juan Mey de Valencia la compilación de los Fueros de Teruel encara fan una enumeración de las aldeyas que feban part de la Comunidat de Teruel se pueden veyer muitos toponimos con fonetica aragonesa, entre éls la Foz de la Viella.
Esto mos fa pensar que en la metat occidental de la Comunidat de Teruel y en la Comunidat de Daroca debeban dicir La Foz de la Viecha y en la zona oriental de la Comunidat de Teruel a on ye Cedriellas, en Las Tres Bailías y en lo Baixo Aragón deciban La Foz de la Viella. En la primera zona los textos de lo sieglo XV presentan una microtoponimia con toponimos terminaus en -ejo, en la segunda zona documentamos a -ll- en los toponimos (Gargallo), microtoponimos (regallo, castelillo, varello) y lexico ("ligallo", corvella) dica los nuestros días.
Lo proceso de castellanización oficial en lo sieglo XVI implicó que tanto en l'auna zona como en l'atra lo toponimo se convertise en La Hoz de la Viexa primero (con una x clarament interpretable como prepalatal fricativo xordo, pa dimpués en lo sieglo XVII convertir-se en La Hoz de la Vieja, con lo cambio d'ixe fonema prepalatal fricativo xordo ta la j velar actual de lo castellano.
Bi ha microtoponimos en aragonés como barranco d'el Vadiello, calle Planiello u lo mesmo río Cantalera. Por un texto de 1177 se conoix lo nombre de dos aldeyas actualment despobladas de la Foz de la Viella: Villarrubio y Cuevas de Santo Domingo.
Demografía
editar![](http://upload.wikimedia.org/wikipedia/an/timeline/ljlwkjtj048yr3linyildzqged3r9hs.png)
| ||||||||||||||||||
| ||||||||||||||||||
| ||||||||||||||||||
| ||||||||||||||||||
1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. |
Administración
editarReparto de concellers
editarPartiu | 1979 | 1983 | 1987 | 1991 | 1995 | 1999 | 2003 | 2007 | 2011 |
C.Aragón | 2 | ||||||||
Partido de los Socialistas de Aragón | 1 | ||||||||
Total | 3 |
Alcaldes
editarLechislatura | Nombre | Partiu politico |
---|---|---|
1979–1983 | Teodoro Urbano Chopo Esteban | UCD |
1983–1987 | Joaquin Gimeno Lahoz | |
1987–1991 | Joaquin Gimeno Lahoz | |
1991–1995 | Antonio Lahoz Lahoz | PAR |
1995–1999 | Antonio Lahoz Lahoz | PAR |
1999–2003 | Antonio Lahoz Lahoz | PAR |
2003–2007 | Antonio Lahoz Lahoz | PAR |
2007–2011 | Antonio Lahoz Lahoz | PAR |
2011–2015 | Antonio Lahoz Lahoz | Compromiso con Aragón |
2015–2019 | Jose Luis Ferrer Gimeno | Ganar La Hoz de la Vieja |
2019–2023 | ||
2023–2027 | Laura Royo Martinez [3] | PSOE |
Puestos d'intrés
editar- Ilesia de Nuestra Sinyora de las Nieus, sieglo XV.
- Torraza, sieglo XIV.
- Museu de lo Pan.
Fiestas
editarPersonalidaz naixitas de La Foz de la Viella
editar- José Antonio Nebra Mezquita (1672-1748), organista.
- José Moreno y Polo (1708-1774), organista.
- Juan Moreno y Polo (1711-1776), organista.
- Antonio Cabañero y Burguete (1730/35-1822).
- Charo Pradas (1960), pintora.
Referencias
editar- ↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.234
- ↑ (es) José Rius Serra: Rationes decimarum Hispaniae (1279-80): Aragón y Navarra. CSIF 1946.
- ↑ (es) Consulta el listado de alcaldes que han sido proclamados en Aragón en Heraldo de Aragón
Vinclos externos
editar
Aliaga | Anadón | Arcaine | Blesa | Canyizar de l'Olivar | Cabra | Cortes d'Aragón | Chosa | Cuevas d'Almudén | Escuita | Exarc de la Val | Finollosa d'Exarc | Fuent Ferrada | Maicas | Martín | Mezquita d'Exarc | Mont Albán | Muniesa | Obón | La Foz de la Viella | Palomar | Plou | Salcediello | Segura de los Banyos | Torre de las Arcas | Uesa | Utriellas | Villanueva del Rebollar | Vivel | La Zoma |