Urmyyler

Bi dr Urmyyler wird s Urmuul (Blastoporus) zum Muul, dr Anus wird nei bildet.

Systematik

Domäne:	Eukaryote (Eucaryota)
Rych:	Dier (Animalia)
Underrych:	Vylzälligi Dier (Metazoa)
Abdeilig:	Gwääbdier (Eumetazoa)
Underabteilig:	Bilateria
ohne Rang:	Urmyyler

Wüsseschaftlige Name

Protostomia

Grobben 1908

D Urmyyler (Protostomia) sin e Stammgruppe us dr Abdailig vu dr Gwääbdier (Eumetazoa) in dr Syschtematik vu dr Vylzällige Dier.

Definition un Abgränzig

Zue dr Urmyyler ghere d Stämm mit eme vollständign Verdöuigstrakt, wu in dr Embryonalentwicklig s Muul us em schlitzfermige Urmuul fiirigoht, derwylscht Anus sekundär durbricht oder us em hintere Dail vum Urmuul entstoht. S Entstoh vum Muul vu dr Urmyyler cha uf verschideni Wyse gschää.

Zue dr Urmyyler ghere d Hytigsdier (Ecdysozoa), d Lophotrochozoe (Lophotrochozoa) un di Plattwurmartige (Platyzoa). No neischte molekulargenetische Erkänntnis nämme d Pfyylwirmer (Chaetognatha) wahrschyns e isoliert-basali Stellig yy. D Urmyyler sin, im Gegesatz zue dr Neimyyler (Deuterostomia), villicht paraphyletisch, stellen also kai natyrligi Gruppe im Sinn vu dr phylogenetische Syschtematik dar.

Systematik

Hytigsdier (Ecdysozoa)
- Nematoida
  - Fadewirmer (Nematoda)
  - Saitewirmer (Nematomorpha)
- Scalidophora
  - Hokeriesler (Kinorhyncha)
  - Priapswirmer (Priapulida)
  - Korsettdierli (Loricifera)
- Panarthropoda
  - Bärdierli (Tardigrada)
  - Stummelfießer (Onychophora)
  - Lopopode (Lobopodia) †
  - Gliiderfießer (Arthropoda), unter anderem mit dr Insekte, Spinnedier un Chräbsdier
Lophotrochozoe (Lophotrochozoa)
- Waichdier (Mollusca), unter anderem mit dr Schnäcke, Muschle un Dintefisch
- Ringelwirmer (Annelida), unter anderem mit dr Rägewirmer
- Mieschdierli (Bryozoa)
- Armfießer (Brachiopoda)
- Igelwirmer (Echiura)
- Schnuerwirmer (Nemertea)
Plattwurmartigi (Platyzoa)
- Plattwirmer (Plathelminthes)
- Chratzwirmer (Acanthocephala)
- Cycliophora
- Buuchhoorlig (Gastrotricha)
- Chifelmyyler (Gnathostomulida)
- Chelchwirmer (Kamptozoa)
- Micrognathozoa
- Rederdierli (Rotatoria)

Lueg au

Neimyyler (Deuterostomia)
Systematik vum Dierriich

Weblink

Commons: Urmyyler (Protostomia) – Sammlig vo Multimediadateie

Dä Artikel basiert uff ere fräie Übersetzig vu dere Version vum Artikel „Urmünder“ vu de dütsche Wikipedia. E Liste vu de Autore un Versione isch do z finde.