Universidät Luzärn
| Universität Luzern | |
|---|---|
| Motto | universitas studentium et docentium |
| Gründig | 2000 |
| Drägerschaft | staatlig, kantonal |
| Ort | Luzärn, Schwiz |
| Räkter | Paul Richli |
| Studänt*ene | 2790 (Endi 2015)[1] |
| Mitarbeiter*ne | 496 (Endi 2015)[2] |
| drvo Profässer*ne | 69 (Endi 2015)[2] |
| Website | www.unilu.ch |
D Universidät Luzärn het 2790 Studierendi im Diplom-, Bachelor- und Masterstudium und 326 im Doktoratstudium und ghört zu de chliinste Hochschuele in dr Schwiz (Stand; Herbst 2015).[1] In gwüsse Beriich, öbbe mit ihrem Instidut für Jüdisch-Christligi Forschig, gniesst si aber doch internationals Aaseh.
Gschicht
[ändere | Quälltäxt bearbeite]Sit öbbe 1600 git s z Luzärn Studiegäng für Filosofii und Theologii. Di Theologisch Fakuldät gilt as di ältischti katholisch-theologischi Lehr- und Forschigsinstituzion vo de Schwiz.[3] Langis Zyt isch s Studium nu im Priesterseminar vom Bistum Basel bi de Hofkirche möglich gsi. 1938 isch di Theologisch Fakuldät gründet worde und hät Rümlichkaite i de Stadt bezoge. 1964 isch i de Folg vom 2. Vatikanische Konzil s Katechetisch Institut Luzärn (KIL) gründet und de Theologische Hochschuel understellt worde. De Profässer Clemens Thoma hät 1981 s Institut för Jüdisch-Christlichi Forschig (IJCF) gründet.[4] 1993 hät me di Gäisteswüsseschaftlichi Fakuldät gründet. Sit 2001 gits näbe dr Theologische Fakuldät und dr Kultur- und Sozialwüsseschaftlige Fakuldät (früehner Gäisteswüsseschaftligi Fakuldät) au e Rächtswüsseschaftligi Fakuldät, wo hüte 1300 Studänte het und die grössti isch an dr Uni. Denn chunnt die Kultur- und Sozialwüsseschaftligi Fakuldät mit öbbe 900 und die Theologischi Fakuldät mit öbbe 250 Studänte.
En Universidät isch d Hoochschuel Luzärn erst 2001 worde, wo si die Rächtswüsseschaftligi Fakuldät ufdoo het. Im August 2004 isch Katechetisch Institut zum Religionspädagogische Institut (RPI) worde.[5] Sit em Septämber 2011 befinde sich alli Fakuldäte und Instidut am ene zentrale Standort an dr Frohburgstrooss 3, wo früehner s Bostbedriibsgebäud gsi isch.
Bologna-System
[ändere | Quälltäxt bearbeite]Alli Studiegäng vo dr Universidät Luzärn si zwäistuefig. Noch säggs Semester schliesse die Studierende mit em Bachelor ab. Noch non emol drei bis vier Semester bechömme si dr Master. D Studieläistige wärde mit Credit Points gmässe.
Studiegäng
[ändere | Quälltäxt bearbeite]An dr Theologische Fakuldät cha mä kaddolischi Theologii im Bachelor und Master studiere. Die Kultur- und Sozialwüsseschaftligi Fakuldät bietet Bachelor- und Master-Studiegäng in de Fächer Gschicht (Schwizer Gschicht vom Middelalter und dr Nöizit/Modärne; Allgemäini Gschicht vom Middelalter und dr Nöizit/Modärne), Judaistik, Filosofii, Bolitikwüsseschaft, Religionswüsseschafte, Kultur- und Soyialantropologii, Bolitischi Ökonomii und Soyiologii aa. Au an dr Kultur- und Sozialwüsseschaftlige Fakuldät cha mä die integrierte Studiegäng Gsellschafts- und Kommunikationswüsseschafte und Kulturwüsseschafte bsueche. Die Rächtswüsseschaftligi Fakuldät bietet Bachelor- und Masterstudiegäng im Fach Rächtswüsseschaft aa.
Usbau
[ändere | Quälltäxt bearbeite]Im Früehlig 2006 het s Stimmvolk vo dr Stadt Luzärn en Umzonig vom Grundstück und e Standortbiidraag vo acht Millione Schwizer Franke beschlosse. Im Novämber 2006 het dr Suverän vom Kanton für e Umbaukredit vo öbbe 140 Millione Schwizer Franke gstimmt. D Umbauarbeite häi 2007 aagfange und si 2011 fertig gsi. Im Septämber isch d Universidät zämme mit dr Pedagogische Hochschuel Zentralschwiz vo ihre alte Standort, wo über die ganzi Stadt verdäilt gsi si, in s ehemolige, umbaute Bostgebäud bim Bahnhoof Luzärn züüglet.[6]
Weblingg
[ändere | Quälltäxt bearbeite]
Commons: Universität Lozärn – Sammlig vo Multimediadateie- Website vo dr Universidät Luzärn
- Max Huber: Universität Luzern In: Historisches Lexikon vo dr Schwiiz.
Fuessnoote
[ändere | Quälltäxt bearbeite]- ↑ 1,0 1,1 Studierendestatistik, Herbstsemester 2015 (Memento vom 11. April 2016 im Internet Archive) (PDF)
- ↑ 2,0 2,1 Statistik 2015: Personal der Universität Luzern (Memento vom 17. Jänner 2016 im Internet Archive) (PDF; 16 kB)
- ↑ Theologische Fakultät (Memento vom 11. April 2016 im Internet Archive) unilu.ch, abgruefen am 26. März 2016
- ↑ Zum Gedenken (Site cha nüme abgrüeft wärde; Suche im Webarchiv) Nochruef vom Clemens Thoma, abgruefe am 26. Juni 2012
- ↑ Gschicht vom Religionspädagogische Institut (RPI) Lozärn (unilu.ch). Archiviert vom Original am 3. September 2013; abgruefen am 26. Juni 2012.
- ↑ Neue Saiten aufziehen espazium.ch (TEC21 – Schwizerischi Bauzitig), Artikel vom 12. Januar 2012, öberarbeited am 25. Augschte 2015
|
Dä Artikel basiert uff ere fräie Übersetzig vum Artikel „Universität_Luzern“ vu de dütsche Wikipedia. E Liste vu de Autore un Versione isch do z finde. |
Koordinate: 47° 2′ 58″ N, 8° 18′ 44″ O; CH1903: 666380 / 211304
| Staatlichi Universitete |
Universitet Baasel • Universitet Bärn • Universitet Fryburg • Universitet Gämf • Università della Svizzera italiana • Universitet Lausanne • Universitet Lozärn • Universitet Nöieburg • Universitet Sanggale • Universitet Züri |
 |
| Technische Hochschulen | ||
| Fachhochschuele |
Bärner Fachhochschuel • Fachhochschuel Graubünde • Fachhochschuel Les Roches-Gruyère • Hochschuel Lozärn • Fachhochschuel Nordweschtwyz • Fachhochschuel Oschtschwyz • Scuola universitaria professionale della Svizzera italiana • Fachhochschuel Weschtschwyz • Zürcher Fachhochschuel • Kalaidos Fachhochschuel | |
| Pedagogischi Hochschuele |
HEP BEJUNE • PH Bärn • PH Fryburg • PH Graubünde • SUPSI DFA • PH Lozärn • FH Nordweschtschyz PH • SHL Rorschach • PH Schaffuuse • PH Schwyz • PH Sanggale • PH Thurgau • HEP Vaud • PH Wallis • PH Zug • HfH • PH Züri |