Thomas P. Ochiltree
| Dialäkt: Mìlhüüserdiitsch |
Dr Thomas Peck Ochiltree (* 26. Oktoower 1837 z’ Livingston, Alabama; † 25. Nowamber 1902 z’ Hot Springs, Virginia) ìsch a àmerikànischer Politiker gsìì. Vu 1883 bis 1885 hàt’r dr Bundesschtààt Texàs ìm Represantàntahüüs vu da Verainigta Schtààta vertratta.
sii Laawa
[ändere | Quälltäxt bearbeite]Dr Thomas Ochiltree-n-ìsch ànna 1837 z’ Livingston ìm Wäschta vum Bundesschtààt Alabama-n-uff d’ Walt kumma. Ar ìsch dr Suhn gsìì vum William Peck Ochiltree (1811–61). Ànna 1838 hàt’r zamma mìt siina Äältra ìn d’ salbschtandiga Repüblik Texàs gwàndelt. Uffgwàcksa-n-ìsch’r z’ Nacogdoches un Marshall ìm Oschta vum Schtààt. Därt ìsch’r ìn d’ äffentliga Schüala gànga. Ànna 1854 un 1855 hàt’r àls Mìtglìed vu da Texas Ranger àn Faldzììg geega d’ Apascha un Komantscha tailgnumma. Ànna 1857 ìsch’r mìt’ra Sunderärlàuibniss àls Rachtsànwàlt züagloo worra. Àls Ànwàlt hàt’r zamma mìt siim Vàtter z’ Marshall un Jefferson gschàfft. Ìn dara Zitt ìsch’r Mìtglìed ìn dr Demokrààtischa Pàrtäi gsìì. Ànna 1859 ìsch’r Sekretäär vu dr Demokrààtischa Schtààtsversàmmlung gsìì. Ìm Joohr druff ìsch’r Delegiart’r gsìì àn da baida Demokrààtischa Nàzionààlversàmmlunga, wo z’ Charleston (Süüdkàrolina) un Baltimore schtàttgfunda hann. Ìn dara Zitt ìsch’r àui Üüssgaawer vu dr Zittung „Star State Jeffersonian“ gsìì.
Wahrem Sezessioonskriag hàt dr Ochiltree-n-ìm Heer vu dr Konfederàzioon diant, wu-n-’r Major worra-n-ìsch. Ìm Kriag ìsch’r bii Appomattox gfànga gnumma worra, un ìsch ìm Zuchthüüs vum Johnson’s Island àm Eriesee gsìì. Dànk’m US-Presidànt Andrew Johnson ìsch’r befräijt worra. Noh-n-em Kriag ìsch’r ànna 1866 un 1867 Üüssgaawer vu dr Zittung „The Daily Telegraph“ z’ Houston gsìì. Zwìscha 1870 un 1873 ìsch’r Iiwànderungsbeufftrààgt’r vum Schtààt Texàs ìm Öiropà gsìì. Ìm Joohr 1874 ìsch’r vum US-Presidànt Ulysses S. Grant àls US-Màrschàll fìr dr eschtliga Tail vum Schtààt Texàs ärnännt worra.
Àn da Kongrasswàhla vu 1882 ìsch dr Ochiltree àls unàbhangiger Kàndidààt ìm 7. Wàhlbezirk vum Texàs ìns US-Represantàntahüüs gwählt worra. Daa Wàhlkrais ìsch grààd eewa-n-ärschtällt worra gsìì. Ìm Represantàntahüüs z’ Washington, D.C. ìsch’r àb’m 4. März 1883 gsìì. Därt ìsch’r numma wahrend ainer Legislàtüürperiooda blìewa, bis àm 3. März 1885. Noh-n-em And vu siinera Àmtszitt ìm Kongrass ìsch’r ìn Rüahjschtànd z’ Nöi York City gànga. Ar ìsch àm 25. Nowamber 1902 z’ Hot Springs ìm Bundesschtààt Virginia gschtoorwa. Beardigt worra-n-ìsch’r uff’m Greenwood-Frìedhoof ìm Nöi Yorker Schtàdtbezirk Brooklyn. Ànna 1903 ìsch àwwer siina Laicha-n-uff dr Frìedhoof vu Mount Hope ìm Bundesschtààt Nöi York verschìewa worra.
Lìteràtüür
[ändere | Quälltäxt bearbeite]- Ochiltree, Thomas Peck. In: Handbook of Texas Online. Texas State Historical Association, 1952 (amerikanisches Englisch, tshaonline.org [abgerufen am 26. Juli 2022]).
- Thomas Peck Ochiltree. In: Ben R. Guttery (Hrsg.): Representing Texas. 2007, ISBN 978-1-4196-7884-4, S. 114 (amerikanisches Englisch, google.fr [abgerufen am 26. Juli 2022]).
Weblìnks
[ändere | Quälltäxt bearbeite]
Commons: Thomas P. Ochiltree – Sammlig vo Multimediadateie- Thomas P. Ochiltree im Biographical Directory of the United States Congress
- Thomas P. Ochiltree in dr Datebank vu Find a Grave
