Rhiifranke
D Rhiifranke (Kölner-Franke, Ripuarischi Franke, Ripuarier, Ripuare; vom lateinische "ripa": Ufer) si in dr klassische Gschichtsschriibig eini vo drei Gruppe vo de Franke und am Middelrhii asässig. Noch dr Vereinigung vo de Frankestämm im 4. Johrhundert isch s Hauptsiidligsgebiet vo de Franke am Rhii noch gsi - vo do ihre Name "Rhiifranke" - vo Köln über Frankfurt am Main und Mainz bis nach Worms und Speyer.
Nordlig vo de Rhiifranke si d Salfranke im Rhiidelta agsiidlet gsi und d Moselfranke südlig von ene am obere Rhii und an dr Mosel. Si hai sich im Johr 420 vo de Rhiifranke drennt und und si über e Rhii Richtig Weste zoge.
In de Quelle si die folgende Herzög und Chliinkönig vo de Rhiifranke mit Name überliiferet:
- Chlodwig, der Ripuarier, Herzog bis 448
- Childebert, Herzog vo 448 bis 461, König vo 461 bis 483
- Sigibert vo Köln, au Sigibert dr Lahm, König vo 483 bis 509
- Chloderich dr Parasit 509
Über die Dynastii vo de Rhiifranke isch wenig bekannt:
461 si si vo Rom unabhängig worde. 509 het dr Chlodwig I., e Salfrank, s rhiifränkische Riich eroberet und het s in Personalunion bis zu siim Dod im Johr 511 gregiert. Denn het si Sohn Theuderich I. dä Riichsdeil gerbt und Reims statt Köln zur Hauptstadt gmacht.
Weblingg
[ändere | Quälltäxt bearbeite]- "Frankenzeit - Anno domini 807 zwischen Rhein und Ruhr" En umfassendi Homepage zur Frankeziit im Bärgischen Land.
|
Dä Artikel basiert uff ere fräie Übersetzig vum Artikel „Rheinfranken“ vu de dütsche Wikipedia. E Liste vu de Autore un Versione isch do z finde. |