Paris Gare Montparnasse
| Gare Montparnasse | |
|---|---|
| |
| S Baanhofsgebäude | |
| Daate | |
| Bedriibsart | Kopfbahnhof |
| Perron | 28 |
| Passaschier | ca. 140.000[1] |
| Eröffnig | 10. Septembèr 1840 |
| Laag | |
| Stadt | Paris |
| Département | Paris |
| Region | Île-de-France |
| Staat | Frankreich |
| Koordinate | 48° 50′ 25″ N, 2° 19′ 9″ O |
| Iisebahnstreckene | |
| |
| Lischte vo de Bahnhööf z Frankriich | |
Dè Baanhof Montparnasse (franzöösisch Gare Montparnasse-Bienvenue) isch ein vo dè sechs großè Kopfbaanhööf vo Paris. Er lyt im Südweschtè vo Paris am Place Raoul Dautry im 15. Arrondissement.
Dè Baanhof isch im 15. Arrondissement èn wichtigè Vokeersknotèpungt mit Umstygemöglichkeitè zwǜschè vir Linniè vo dè Métro (Linniè 4, 6, 12 un 13) un Vobindigè im Hochgschwindigkeitsnetz vo dè französischè Ysèbaagsellschaft SNCF, wo mit èm TGV ab Paris Montparnasse vo allem d Hauptvokeerslinniè in Richtig Bretagne un Atlantikküschtè, i dè Weschtè un Südweschtè vo Frankrych un Hendaye a dè spanischè Gränz bediènt.
Gschichtè
[ändere | Quälltäxt bearbeite]Dè èrschte Gare Montparnasse isch 1840 unter m Nammè Gare de l’Ouest - Rive gauche am Ènd vo dè Rue de Rennes am dỡmờligè Place de Rennes (hüt Place du 18 juin 1940) baut worrè. Dè Standort isch öppè 330 Meter vom Hauptygang vom hütigè Gare Montparnasse entfèrnt gsi. Well dè aalte Baanhof im gschtigenè Vokeersuffchờ scho bald nimmi gwachsè gsi isch, hèt mờ vo 1848 bis 1852 unter dè Leitig vom Ingenieur Eugène Flachat dè zweite Gare de l’Ouest uff dè Fundamänt vom èrschtè Baanhof baut.
Gegè Èndi vom 19. Jh. un am Aafang vom 20. Jh.sin am Gare de l’Ouest zaalrychi Wanderbüezer (vor allem Bretonè) aachờ, um z Paris Büèz z findè.
Dè Baanhof isch durch èn schwèrè Ysèbaauufall am 22. Oktobèr 1895 bekannt worrè. Dỡby hèt d Lokomotyv von èm Zừg, wo vo Granville gu Paris unterwägs gsi isch, nõch èm Brèmsvosaagè durch d Gebäudemuèr vom Kopfbaanhòf durrèbrochè. Mit èm Vorderdeil isch si uff dè öppè zee Meter düèfer glègènè Strõße uffgschlagè; 14 Wägè vom Zùg sin uff dè Gleis stò blibbè. Ei Passantin isch vo dè abbèkeiendè Trümmerschtüggle erschlagè worrè. S Foto vo dè Lok, wo us èm Baanhof usè lampèt, isch au hüt nò zimli vobreitet un wörd zum Byschpill uff Poschter un Wandbilder reproduzyrt..
Dè aktuelle Baanhof isch im Raamè von èm Immobilièbrojèkt i dè 1960er Johr am Place Raoul Dautry zitglych mit èm Tour Montparnasse baut un 1990 im Zùg vo dè Inbetrièbnaam vo dè LGV Atlantique neu gschtaaltet worrè: ußè isch è la porte Océane daufti Glasfassaad ybaut worrè, wo vo ußè dè Bligg uff d Innèarchitektur uss Bedong ermöglichè duèt un è vobesserti Wòrneemig als Baanhof ermöglichè söll. Unter Deile vo dè Gleis isch èn Parkblatz. Uff èm Dach, wo 22 Gleis vom Baanhof übberschpannt, isch dè Jardin Atlantique, èn öppè 150×230 Meter großè, öffentlich zuègänglichè Gartè. Dört stòt s Mémorial Leclerc. Imposant wǜrkt d Ygangshallè vom Empfangsgebäude wegè dè Höchi un èm Glasfenschter, durch welles mò vom Interieur uff dè Blatz dèvòr un dè Tour Montparnasseè gegèübber vom Blatz luègè cha, un wegè dè zweischtöggigè Gleisstockwärch, übber welli mò nu übber Stègè odder Rolldrèppè draa hèrrè chunnt. Ebbèso beydruggend isch è uugfäär 150 Meter langi, horizontal volaufènds Laufband gsi, wo unteriridisch d Ygangshallè mit dè U-Baan Station Montparnasse-Bienvenüe vo dè Pariser Metro bis is Johr 2009 vobundè hèt un 9 Stundèkilometèr schnèll gsi isch.
Bediènti Streggè
[ändere | Quälltäxt bearbeite]
- TGV Atlantique in Richtig Wescht- un Südweschtfrankrych:
- Paris-Tours (St. Pierre des Corps)-Poitiers-Baanhof Bordeaux-Saint-Jean-Baanhof Toulouse-Matabiau/Tarbes/Hendaye-Irun (Spaniè)
- Paris-Tours (St. Pierre des Corps)-Poitiers-La Rochelle
- Paris -Le Mans-Rennes-Brescht/Quimper/Saint-Malo
- Paris-Le Mans-Nantes-Saint-Nazaire-La Baule-Le Croisic
- Fernzüüg (französisch grandes lignes benamst un asè au i dè Metro-Station aagschribbè)
- TER Obberi Normandy, TER Unteri Normandy, TER-Centre
- Vorschtadtzüüg (Transiliè), wo i s Département Yvelines faared.
Zaalè
[ändere | Quälltäxt bearbeite]
- Jöhrlich wärred am Gare Montparnasse öppè 115.000 Züüg abfèrtigèt, wa èm Durchschnitt vo 315 Züüg pro Daag entschpricht.
- S dägliche Bassagyruffchò lyg bi uugfäär 175.000 Personè, in Spitzèzitè cha d Aazaal vo dè Reisendè wòrend dè Ferièzit bis zuè 400.000 bro Daag bedrägè.
- 300 Lüt sin im Uffdraag vo dè SNCF am Gare Montparnasse beschäftigt. Für dè Ticketvokauf gits 85 Schalter un 73 Automatè.
- Im Baanhof gits 28 obberirdischi Gleis. Uff dè Gleis 1 bis 9 vokeerèd TGV-Züüg, uff dè Gleis 10 bis 17 Transiliè-Züüg un uff dè Gleis 18 bis 24 vo dè TER Centre sowiè TGV. Dezuè chunnt no èn Sitèflügel, dè Gare Vaugirard, wo d Gleis 25 bis 28 volait sin. Vo dört uus vokeerèd Corail Intercités (voglychbar mit dè dütschè Intercity), TER-Züüg nõch Granville un Argentan.
- Im Baanhof gits insgsamt 52 Rolldrèppè un 11 Uffzüüg.
Weblinggs
[ändere | Quälltäxt bearbeite]
Commons: Gare Montparnasse – Sammlig vo Multimediadateie- Info für d SNCF-Baanhööf
- Gare Montparnasse bei insecula
- Paris Gare Montparnasse (Memento vom 2. Jänner 2011 im Internet Archive)
Einzelnõchwys
[ändere | Quälltäxt bearbeite]- ↑ LA SATURATION DU RESEAU FERRE FRANCILIEN. Archiviert vom Original am 2. September 2009; abgruefen am 25. April 2010. (PDF; 685 kB)
|
Dä Artikel basiert uff ere fräie Übersetzig vu dere Version vum Artikel „Paris_Gare_Montparnasse“ vu de dütsche Wikipedia. E Liste vu de Autore un Versione isch do z finde. |