Mina Tobler
![](http://upload.wikimedia.org/wikipedia/commons/thumb/7/7c/Mina_Tobler.jpg/220px-Mina_Tobler.jpg)
![](http://upload.wikimedia.org/wikipedia/commons/thumb/c/cc/S%C3%A4ender_Engel_Hermann_Haller_%28Bildhauer%29.jpg/220px-S%C3%A4ender_Engel_Hermann_Haller_%28Bildhauer%29.jpg)
D Mina Tobler (* 24. Juni 1880 z Züri; † 5. Jänner 1967 z Haidelberch) isch e Schwyzer Pianischti un Klavierpedagoogi gsii.
Lääbe un Wiirke
[ändere | Quälltäxt bearbeite]D Mina Tobler isch s viert un jingscht Chind vum Sproochwisseschaftler Johann Ludwig Tobler un däm syre Frau Henriette gebooreni Hattemer gsii. Ire Grooßvater vu dr Muetersyte häär isch dr Sprooch- un Literatuurwisseschaftler Heinrich Hattemer gsii. D Mina het vu 1901 bis 1905 an dr Konservatoorie vu Leipzig, Züri un Brüssel un au bim Conrad Ansorge z Berlin e Uusbildig as Pianischti un as Liedbeglaiteri am Klavier gmacht.
Wu ire Brueder Ludwig Tobler (1877–1915) Assischtänzdokter an dr Universitets-Chinderklinik z Haidelberch wooren isch, isch si an Negger zooge un isch au z Haidelberch bliibe, wu dr ire Brueder Ludwig Tobler as Ordinaarius fir Chinderhailkund un Diräkter vu dr Cheeniglige Universiteets-Chinderklinik uf Breslau gangen isch.
Mit 25 Joor het si si as Klavierleereri z Haidelberch sälbschständig gmacht. Dr Pianischt Rudolf Müller-Chappuis isch ain vu ire Privaatschueler gsii.
Iber dr Filosof Emil Lask (1875–1915) het d Tobler anne 1909 dr Max un d Marianne Weber chännegleert. Dur ire simpaathisch Wääse het d Mina Tobler scho bal zum ängschte Fryndeskrais vu s Webers gheert. E Liebesverhältnis zwische dr Mina Tobler un em Max Weber het s vu 1912 bis 1919 gee, d Fryndschaft zue dr Marianne Weber († 1954) un dr Else Jaffé-von Richthofen († 1973) isch iiber dr Dood vum Max Weber im Juni 1920 uusegange.
Am 5. Jänner 1967 het d Miona Tobler iri Auge fir immer zuegmacht. Iri letschti Ruei het si uf em Bäärgfriidhoof z Haidelberch gfunde, im e Graab zäme mit irem Bruieder Ludwig Tobler un däm syre Frau Bertha gebooreni Scholl. S Graab isch gschickt mit eme Relief («Ängel, wu saait») vum Schwyzer Bildhauer Hermann Haller.
Wäärch
[ändere | Quälltäxt bearbeite]- Mina Tobler: Neue Schule des Klavierspiels. Süddeutscher Musikverlag Willy Müller, ISMN 979-0-2021-0853-6.
Literatur
[ändere | Quälltäxt bearbeite]- M. Rainer Lepsius: Mina Tobler, die Freundin Max Webers. In: Bärbel Meurer (Hrsg.): Marianne Weber. Beiträge zu Werk und Person. Tübingen 2004 (erneut abgedruckt in: M. Rainer Lepsius: Max Weber und seine Kreise, Tübingen 2016, S. 210–231).
- Joachim Radkau: Max Weber. Die Leidenschaft des Denkens. München 2005.
Weblink
[ändere | Quälltäxt bearbeite]![]() |
Dä Artikel basiert uff ere fräie Übersetzig vu > dere Version vum Artikel „Mina_Tobler“ vu de dütsche Wikipedia. E Liste vu de Autore un Versione isch do z finde. |