Min (Gott)
Erscheinungsbild
![](http://upload.wikimedia.org/wikipedia/commons/thumb/8/88/Egyptian_-_Amun-Min-Kamutef_-_Walters_542062_%282%29.jpg/220px-Egyptian_-_Amun-Min-Kamutef_-_Walters_542062_%282%29.jpg)
De Min isch en ägyptische Fruchtbarkaitsgott, wo vor alem im oberägyptische Koptos vereert woren isch. Er isch au de Bschützer vo de Wüestestroosse. Z Luxor isch er mitem Amun gliichgsetzt wore.
De Ursprung vom Min sind prähistorischi hermenartigi Kultmool, wo i de Felder ufgstellt wore sind. Spööter isch denn de Min as e Maa dargstellt wore, wo ufrecht stoot und mit sinere lingge Hand sin erigierte Phallus hebet, i de rechte e Gaisle. Er trait e Chappe mit zwoo Falkefedere. Sini Pflanze isch de Lattich, bi de Ägypter e Fruchtbarkaitssymbol.
Sis wichtigste Fest isch s Stegefest gsii, wonem de Pharao di ersti Ääre opferet, woner selber gschnitte hett.