Micky Maus

Dr Micky Maus (änglisch Mickey Mouse) isch e Zäichedrickfigur in dr Form von ere anthropomorfe Muus, wo vom Walt Disney und em Drickfilmzäichner Ub Iwerks erschaffe worde isch. Si isch uf dr ganze Wält bekannt und isch äini vo de berüemtiste Ikone. Dr Micky Maus isch die bekanntisti Figur us dr Disneywält und chunnt au as Comicfigur vor. Am Aafang isch er äigentlig nume as e Notlöösig erfunde worde und mä het en nume in Zäichedrickfilm chönne gsee, aber glii isch er zum Comicstar ufgstiige und isch au internazional zum ene groosse Erfolg worde.

Am beliebtiste isch dr Micky in de spöötere 1920er- und 1930er-Joor gsi, denn si aber aber anderi Figure, wo ursprünglig nume Nääbefigure gsi si wie dr Donald Duck, wo 1934 erfunde worde isch, populäärer worde. In de 1940er-Joor si doorum nume no wenig Film mit em Micky Maus in dr Hauptrolle gmacht worde.

Dr Mickey Mouse ist näben em Donald Duck, de Rugrats und de Simpsons äini vo de wenige Drickfilm- bzw. Comicfigure, wo s zum ene Stärn uf em berüemte Walk of Fame z Hollywood brocht het (bi dr Adrässe 6925 Hollywood Blvd.).

Litratuur

Alles über Micky Maus. Vom Dreikäsehoch zum Meisterdetektiv. Egmont, Köln 2013, ISBN 978-3-7704-3743-6.
Ariel Dorfman/Armand Mattelart: Walt Disneys "Dritte Welt". Massenkommunikation und Kolonialismus bei Micky Maus und Donald Duck (Spanische Originalausgabe Para leer al pato Donald = Wie man die Ente Donald liest), Berlin (Basis Verlag) 1977. ISBN 3-88025-406-0
Wolfgang J. Fuchs: Micky-Maus: Das ist mein Leben. Unipart-Verlag, Stuttgart 1988, ISBN 3-8122-3086-0