Jeghische Tscharenz
![](http://upload.wikimedia.org/wikipedia/commons/thumb/e/ef/ArmenianStamps-126.jpg/170px-ArmenianStamps-126.jpg)
Dr Jeghische Tscharenz (armenisch Եղիշե Չարենց, traditionälli Schrybig Եղիշէ Չարենց, in wiss. Transliteration Eliše (bzw. Elišē) Č‘arenc‘; * 13. Merz 1897 z Kars, Russischs Rych, hite Tirkei; † 29. Novämber 1937 z Jerewan, Armenischi SSR) isch e armenische Dichter gsii, wu im Zug vum Große Terror um s Lääbe chuu isch.
Lääben un Wärch
[ändere | Quälltäxt bearbeite]![](http://upload.wikimedia.org/wikipedia/commons/thumb/8/82/Yerevan_Y_Charents_monument.jpg/170px-Yerevan_Y_Charents_monument.jpg)
Dr Jeghische Tscharenz isch as Jeghische Soghomonjan (Սողոմոնեան, bzw. Elišē Sołomonean) z Kars uf d Wält chuu, wu vu 1878 bis 1921 zum Russische Rych ghert het. Vu 1904 bis 1912 isch er dert uf d Schuel gnagen. Im Zämmehang mit em Erschte Wältchrieg un em Velkermord an dr Armenier im Osmanische Rych het er si as Freiwillige zur dr Russischen Armee gmäldet.
Zue dr Theme vu sym literarishe Schaffe gheren au syni Chriegserlebnis. Am 13. Merz 1937 isch dr Tscharenz unter nit gchlerten Umständ im Gfängnis vum NKWD ums Lääbe chuu. Anne 1954, ai Johr noch em Dod vum Stalin, isch er rehabilitiert wore. Syni Wärch, dodrunter au sy bekanntescht Gedicht Armenie, sin in d Lehrblän vu dr Armenische SSR ufgnuu wore. Syni Wärch sin unter anderem ins Russisch, Änglisch, Italienisch un Franzesisch ibersetzt wore.
Mahne
[ändere | Quälltäxt bearbeite]Anne 1967 isch d Chlaistadt Lussawan in dr hitigen armenische Provinz Kotajk noch em Dichter in Tscharenzawan umgnännt wore. Anne 1975 isch sy Huus in dr Maschtoz-Stroß z Jerewan in e Museum umgwandlet wore.
Literatur
[ändere | Quälltäxt bearbeite]2010 isch e zwoosprochige Band (Oschtarmenisch/Dytsch) mit rund 40 Gedicht vum Tscharenz, ibersetzt un uusegee vum Konrad Kuhn, erschine, wu s au ne uusfierligi biografischi Skizze din het:
- Jeghische Tscharenz, Mein Armenien. Arco-Verlag Wuppertal/Wien, 2010, ISBN 978-3-938375-31-0
Weblink
[ändere | Quälltäxt bearbeite]![](http://upload.wikimedia.org/wikipedia/commons/thumb/4/4a/Commons-logo.svg/12px-Commons-logo.svg.png)
![]() |
Dä Artikel basiert uff ere fräie Übersetzig vu dere Version vum Artikel „Jeghische_Tscharenz“ vu de dütsche Wikipedia. E Liste vu de Autore un Versione isch do z finde. |