Dr Hoochefirstehoof
| Dialäkt: Baseldütsch |
Dr Hoochefirstehoof isch e middelalterligs Geböid an dr Riddergass 19 in dr Groossbaasler Altstadt.
Gschicht
[ändere | Quälltäxt bearbeite]Mä nimmt aa, ass d Here vo Ramstäi dr Chläi Ramstäinerhoof noch em Äärdbeebe vo 1356 häi lo baue. Wo dr Kaiser Ferdinand I. as letschte dütsche Kaiser offiziell z Baasel gsi isch, isch er im Hoof, wo denn zumol Utestäinerhoof ghäisse het, abgstiige. 1583 isch d Liigeschaft vo dr gebürtige Eptigere Clara vo Hoochefirst erwiteret und d Gäärde si aapflanzt worde. Sit 1786 het dr Hoof dr Familie Vischer ghöört, wo 1808 s Gaardekabinet iigrichdet het, e Ruum, wo hooch über em Rhii lit und e groossartigi Ussicht uf e Fluss und uf s Chläibaasel het. Er het e Kassettedecki mit Kwadraat, wo gege oobe änger wärde. Dr Mooler Maximilian Neustück het en in dr „antike Manier“ aagmoolt. 1985 het dr Fritz Vischer dr Hoochefirstehoof vom Paul Denfeld lo restauriere.
Koordinate: 47° 33′ 20,6″ N, 7° 35′ 38,6″ O; CH1903: 611699 / 267236