Felix Platter, Soon vom Thomas Platter em Jüngere
![]() |
Dä Artikel behandlet dr Felix Platter, Soon vom Thomas Platter em Jüngere. Für e Felix Platter, Soon vom Thomas Platter em Eltere, lueg doo. |
![](http://upload.wikimedia.org/wikipedia/commons/thumb/1/1d/Sbb-021040.jpg/170px-Sbb-021040.jpg)
Dialäkt: Baseldütsch |
Dr Felix Platter (* 1. August 1605 z Baasel; † 3. Juni 1671 z Baasel), Soon vom Thomas Platter em Jüngere, isch e Baasler Mediziner und Naturforscher gsi.
Lääbe
[ändere | Quälltäxt bearbeite]Dr Felix Platter het an dr Universidäät Basel studiert und 1624 dr Magister Artium gmacht. Denn het er bis 1626 dört Medizin studiert und im Joor druf isch er für zwäi Joor uf Montpellier, Ängland und Leiden go studiere. Zrugg z Baasel het er 1629 dr Dokter gmacht und en Arztbraxis ufdoo. 1630 het er d Brofessur für Logik überchoo, und isch denn vo 1633 bis 1656 Brofässer für Füsik gsi. Vo 1651 bis 1652 isch er Räkter vo dr Uniwersidäät Baasel gsi. 1651 isch er no zum Stadtarzt gweelt worde.
Dr Platter het au am öffentlige Lääbe vo dr Stadt däilgnoo. 1656 isch er Grichtsherr worde und 1664 im Root gsässe.
Wärk
[ändere | Quälltäxt bearbeite]Näben e Hufe Disputazionsschrifte isch vom Platter e Sammlig vo Chrankegschichte «Mantissa observationum selectiorium» überliiferet, wo 1680 vom Franz Platter (1645-1711) uusegee worde isch.
Familie
[ändere | Quälltäxt bearbeite]Dr Felix isch dr Soon vom Thomas Platter em Jüngere (1574-1628) und dr Chrischona Jeckelmann (*1577) gsi. 1629 het er d Helena (1612-1698), Dochder vom Nicolai Bischoff, ghürootet. Zämme häi si vierzää Chinder überchoo, wo säggs von ene no as Chind gstorbe si. Dr Felix isch Oberstlütnant in franzöösische Dienst worde und dr Franz Buechhändler.[1]
Im Felix si Unggle isch dr bekannt Baasler Arzt Felix Platter gsi.
Kwelle
[ändere | Quälltäxt bearbeite]- Karin Marti-Weissenbach: Platter, Felix. In: Historisches Lexikon vo dr Schwiiz.