Roman
Dr Roman isch e literarischs Schaner und zwar d Langform vo dr schriftlige Verzelig oder Gschicht. S Wort Roman isch e Leenwort us em Französische und bedütet „e Gschicht in Värs oder Prosa“. Es het im 17. Joorhundert s Wort Historie abglööst, wo mä im Dütsche bis denn für Wärk, wo zu dere Gattig ghööre, brucht het. Vom 17. Joorhundert aa zelt mä nume no Schrifte drzue, wo in Prosa verfasst si. Romään in Värs bezäichnet mä as Värsromään.
D Nowälle, s Määrli, d Legände und d Churzgschicht si au epischi Schaner und underschäide sich vom Roman vor allem din, ass si chürzer si und ass iiri fiktivi Wält nid eso umfassend isch wie die vom Roman. Dr Litraturwüsseschaftler Georg Lukács het vom „epische Griff vom Roman noch em Lääbe in sinere ganze Dotalidäät“ gschwätzt.[1]
Weblingg
Commons: Romään – Sammlig vo MultimediadateieFuessnoote
- ↑ Lueg Georg Lukács: Die Theorie des Romans. Ein geschichtsphilosophischer Versuch über die Formen der großen Epik [verfasst 1914–1916] (Berlin: Cassirer, 1920).
|
Dä Artikel basiert uff ere fräie Übersetzig vum Artikel „Roman“ vu de dütsche Wikipedia. E Liste vu de Autore un Versione isch do z finde. |