Wikipedia:Willcho
Glückwunsch! Ihr sin bi dr alemannische Wikipedia glandet - des isch e Enzyklopädii, wu an dr Biiträg gmeinsam gschafft wird un wu d Biiträg derfe frej gnutzt wäre. S Wort Wikipedia setzt sich us Wiki un Enzyklopädii zämme. Wiki sin Websitte, wu jeder praktisch un liicht diräkt im Browser cha ändere.
Im November 2003 isch d elsässisch Wikipedia gründet wore; im September 2004 isch si zu nere alemannische Wikipedia erwiiteret wore. Si verfüegt momentan über 30.687 Artikel. D alemannisch Wikipedia isch e Projäkt für alli Interessierte im e große Umchreis um de Bodesee. Alli wu im Elsass (F), z Südweschtdütschland (D), in dr Dütschschwiiz (CH), im Liechtestei (FL) un z Voradelbärg (A) alemannisch rede, könne do in ihrere Sproch bzw. in ihrenem Dialäkt mitschriibe.
Mit däm Projekt wärte mir s Alemannisch uf un sorge für dr Erhalt vu däre Sproch, wu gebietswiis scho am Usstärbe isch. Mee über unser Schaffe finden-er in unserem Profil.
D Inhalt vu dr Wikipedia unterliige in dr Creative Commons-Lizenz Attribution-ShareAlike 3.0 Unported. Des bedütet, jeder, wo will, derf si frej kopiäre un verwände, wänn er d Quälle un d Autore agit.