Oordenau

Dä Artikel behandlet e Landschaft. Wyteri Bedütige findt me under Ortenau.

D Ordenau isch ä Gegnd eschtli vun Strosburg zuem Schwarzwald no. Im Sidä fangts bi dä Bleich, enem Näbäfluss vun dä Elz o, im Norde herts den bi d Oos und dä untre Murg uf. Ung'fähr in de Middle vun de Ordenau leid's Ordenauer Riäd.

Im Mittelalter het des no Mortenau gheisse, dä Aalut het sich aber den bal verlore. De Nome kunnt vum Gallische *Moridunum, des isch »Sumpfburg«. Bis vor dousend Johr hets do au no Malaria gäbe.

Dä Nome isch um 768 rum s erscht Mol erwähnt worre, die Gegend het em ditsche Kaiser ghert, där hets vun eme Grof verwalte lu. Um 1250 isch des deno verfalle in zwonzg Stickli, ä bissli später isch denn s meischti in dä Richslondvogtei zomme kume. Dära ihre Sitz isch denn uf de Burg z Orteberg gsi. Um 1551 hän isch des Biet deno on d Habsburger kumme, s het deno zue Vordereschtriich ghert. Unter em Napoleon ischs denn alles badisch wore.

Di greschde Städt in de Ordenau sin Offeburg mit fuffzg dousend Iiwuhner un Lohr mit iber vierzig Dousend. Gmesse on sinere Fläch isch s de grescht Londkreis z Bade-Wirddeberg.