Wolverine

	Wolverine
	Wolverine (Hugh Jackman) se wasbeeld in Madame Tussauds, Londen.
Skepping
Eerste verskyning	Kameeverskyning:; The Incredible Hulk #180 (Oktober 1974); Volle verskyning:; The Incredible Hulk #181 (November 1974)
Geskep deur	Marvel Comics ; Roy Thomas
Inligting
Byname	Logan, Jeremiah Logan, Patch, Weapon X, Death, Mutate #9601, Emilio Garra, Weapon Chi, Experiment X, Agent 10, Peter Richards, Mai' keth, Black Dragon, Captain Canada, Captain Terror, John Logan, Jim Logan
Alter ego	James "Logan" Howlett
Spesie	Mutant
Geslag	Manlik

Wolverine (geboortenaam: James Howlett;^[1] ook bekend as onder andere Logan en Weapon X) is 'n superheld in strokiesverhale van Marvel Comics, gewoonlik saam met ander lede van die X-Men. Hy is 'n mutant, 'n menslike subspesie met spesiale magte; hy het goeie sintuie soos dié van 'n dier, uitstekende fisieke eienskappe, 'n helende faktor en drie terugtrekbare kloue aan elke hand. Wolverine is al uitgebeeld as lid van die X-Men, X-Force, Alpha Flight, die Fantastic Four en Avengers. Wolverine is die Engelse naam vir die veelvraat, die grootste spesie van die Marteragtiges.

Die karakter se eerste verskyning was in die laaste paneel van The Incredible Hulk #180 voordat hy 'n groter rol gekry het in #181 (November 1974). Hy is deur die hoofredakteur van Marvel, Roy Thomas, geskep,^[2] asook die skrywer Len Wein,^[3] en Marvel se kunsdirekteur John Romita sr.

Hugh Jackman vertolk dikwels die rol van Wolverine.

Eindelik het die skrywer Chris Claremont, kunstenaar Dave Cockrum en kunstenaar-skrywer John Byrne 'n groot rol gespeel in die karakter se ontwikkeling. Die kunstenaar Frank Miller het saam met Claremont gewerk om die karakter te herskep in 'n beperkte reeks van September tot Desember 1982.

Wolverine is nes baie ander rowwe antihelde wat ná die Viëtnamoorlog in die Amerikaanse kultuur ontstaan het;^[4]^:265 teen die einde van die 1980's het sy gewilligheid om dodelike krag te gebruik en sy broeiende alleenloperaard standaardeienskappe van strokiesverhaalhelde geword.^[4]^:277 Die karakter het daarom uiters gewild geraak as lid van die X-Men.^[4]^{:263, 265} Hy tree sedert 1988 in sy eie Wolverine-strokiesboeke op.

Wolverine het in die meeste X-Men-media verskyn, insluitende televisie, rolprente en videospeletjies. In baie rolprente tussen 2000 en 2018 vertolk Hugh Jackman die karakter; hy sal dit weer doen in die Marvel Cinematic Universe-prent Deadpool 3 (2024). Die karakter word dikwels gelys as een van die X-Men se gewildste karakters, sowel as een van Marvel se gewildste superhelde.

Verwysings

↑ Geen skrywer, Wolverine: The Origin, Marvel Comics, 2001–2002.
↑ Locke, Kaitlyn (27 Oktober 2017). "Waltham eighth grader gets artwork published in national comics magazine". Boston Globe. Geargiveer vanaf die oorspronklike op 24 November 2017. Besoek op 2 Januarie 2018.
↑ Kreps, Daniel (11 September 2017). "Len Wein, Comic Book Writer and Wolverine Co-Creator, Dead at 69". Rolling Stone. Geargiveer vanaf die oorspronklike op 3 Januarie 2018. Besoek op 2 Januarie 2018.
↑ ^4,0 ^4,1 ^4,2 Wright, Bradford W. (18 September 2003). Comic Book Nation. Johns Hopkins University Press. ISBN 978-0-8018-7450-5.

Skakels

Wolverine (Logan/JamesHowlett) by Marvel.com

Hierdie artikel is in sy geheel of gedeeltelik uit die Engelse Wikipedia vertaal.

[1] Geen skrywer, Wolverine: The Origin, Marvel Comics, 2001–2002.

[2] Locke, Kaitlyn (27 Oktober 2017). "Waltham eighth grader gets artwork published in national comics magazine". Boston Globe. Geargiveer vanaf die oorspronklike op 24 November 2017. Besoek op 2 Januarie 2018.

[WeinDead-3] Kreps, Daniel (11 September 2017). "Len Wein, Comic Book Writer and Wolverine Co-Creator, Dead at 69". Rolling Stone. Geargiveer vanaf die oorspronklike op 3 Januarie 2018. Besoek op 2 Januarie 2018.

[Wright2003-4] 4,0 ^4,1 ^4,2 Wright, Bradford W. (18 September 2003). Comic Book Nation. Johns Hopkins University Press. ISBN 978-0-8018-7450-5.

[1]

[2]

[3]

[4]