Winterstasie

Winterstasie
Oorsprong	Potchefstroom, Noordwes (Suid-Afrika)
Genres	Progressiewe Afrikaanse Rock
Jare aktief	2008 tot hede
Etikette	EMI Music South Africa
Assosiasies	Moses Metro Man Straatligkinders
Webwerf	www.winterstasie.com
Lede	Dewald Pieters Hein Kruger Werner Taljaart Ruhan Wagener Dewald Buys (Uit) Niel Verster (Uit)

Winterstasie is 'n Afrikaanse musiekgroep van Potchefstroom in die Noordwes. Winterstasie bestaan uit Dewald Pieters (sang en kitaar), Hein Kruger(baskitaar), Dewald Buys (tromme) en Ruhan Wagener (kitaar). Vorige groeplede sluit in Niel Verster (baskitaar) en Dewald Buys (Tromme). Die groep is in die middel van 2008 begin en het 'n debuut-CD, Antimaterie, in April 2009 vrygestel. Op 26 Februarie 2009 verskyn hulle op Studio1 op MK met die eerste enkelsnit Wie is Jy?.

Winterstasie beskryf hulself as progressiewe Afrikaanse rock. Winterstasie se musiek handel oor die gevoelens en emosies van misvertroue en mispersepsies in lewe en liefde. Hulle skryf hul musiek om mense wat dit hoor se pyn meer verdraagbaar te maak deur die boodskap deur te gee dat hulle nie alleen is nie. In elke liedjie is daar 'n deel wat die persoon daarin verligting en uitkoms kry, en sodoende word die probleem wat ondervind word aan die luisteraar oorgedra as 'n probleem wat wel 'n oplossing het.

Die groep is genomineer in 'n MK-toekenning in 2009 vir Beste Nuweling en in 2010 vir die beste meewerking vir Outokrasie van die Hart saam met Bouwer Bosch van Straatligkinders.

Diskografie

Winterstasie het begin na die 3 mede eerstejaars (Niel Verster (B.Sc), Dewald Pieters (B.Sc) en Ruhan Wagener (B.Com) ) in 2007 deelgeneem het aan die eerstejaarskonsert van die dag koshuis Villagers op die NWU-Puk Kampus. Saam het hul die beste plek vir die Eie-komposisie verower, en vervolgens was daar besluit dat die projek verder sal gaan na die oudisie van Dewald Buys (B.Sc) (Tromme), wat van die kampus-koshuis Veritas is. Hul eerste optrede was tydens Maart maand in 2008 by die bekende "Picasso's Bar and Lounge" in Potchefstroom, waar die bende van die eerste aand af groot naam gemaak het by mede Puk studente toe die verhoogarea van Picasso's in 'n mengelmoes van geskree, gestamp en malheid ontaard het.

Ten middel 2008 gaan neem hulle hul eerste snitte op by Lightstain Studio's in Potchefstroom en bring die EP "'n Dooie hart maak almal Gelyk" na vore om die lig te sien. Die snit "Wie is Jy?" Word toe ook van 'n musiekvideo gemaak wat vir hulle 'n nominasie verower by die MK Awards.

Einde van 2008 gaan die bende weer Lightstain Studio's toe om nog 3 snitte ("Beter Kant", "Swartskaap" en "Outokrasie van die Hart") op te neem om die vol lengte album "Antimaterie" te produseer. Hulle is toe na Brettian Productions toe om die CD te publiseer en op die rakke te kry. In 2010 se MK Awards wen die snit "Outokrasie van die Hart" die Prys vir "Beste Samewerking" saam met Straatligkinders se hoofsanger, Bouwer Bosch.

Begin 2011 word n kontrak geteken by EMI Music South Africa om die nuutse vol lengte album Klanke van die Antieke Beproewing te versprei. Die snit "Los My" kry dan toe ook geleentheid om van n R50 000 se musiekvideo te laat maak by die jaarlikse MK MVP inisiatief.

In 2011 word die groep ook genooi om een van die top-10 liedjies in die jaarlikse Huisgenoot Tempo Toekennings liedjieskryf kompetiesie te verwerk, genaamd "Skryf jy Liefde", wat geskryf was deur Cornel Botha. Die liedjie was ook lewendig opgeneem toe die groep die 2011 Huisgenoot Tempo Toekennings geopen het.

Einde 2010 het die lid Dewald Buys die groep verlaat, en is vervang deur Werner Taljaard, die drommer van die christen-musiek groep One Crown.

Einde 2011 het die lid Niel Verster die groep ook verlaat, en is vervang deur Hein Kruger, die baskitaarspeler van die groep Straatligkinders.

Van 2008 tot 2012 tree die groep ook ongeveer 5 keer op op MK se Studio 1 program, sowel as MK Live, MK Unplugged (waar hul 'n akoestiese weergawe van "Outokrasie van die Hart" lewendig opgeneem het) sowel as verskeie MK advertensies.

Opnames

"'n Dooie hart maak almal Gelyk" (2008)(EP)

Lys van snitte:

• 1. Kontaminasie Beleid
• 2. Moedelose Gebrek
• 3. My Wereld
• 4. Slaap
• 5. Skuldgevoelens
• 6. Wie is Jy?
• 7. Oordeelsember

"Antimaterie" (2009)(Brettian Productions)

Lys van snitte:

• 1. Die Beter Kant
• 2. Kontaminasie Beleid
• 3. My Wereld
• 4. Slaap
• 5. Skuldgevoelens
• 6. Moedelose Gebrek
• 7. Outokrasie van die Hart
• 8. Wie is Jy?
• 9. Oordeelsember
• 10. Swart Skaap

"Klanke van die Antieke Beproewing" (2011) (EMI Music Suid-Afrika)

Lys van snitte:

• 1. Helde Oorlog
• 2. Fluister Gedagtes
• 3. (On)regverdigheid
• 4. Balk in jou Oog
• 5. Los My
• 6. Platoniese Liefde
• 7. Beter Kant Remix (Met Bordoux)
• 8. Donker Geheime
• 9. Morester
• 10. Lee Antwoorde

Video's (chronologies)

• Wie is Jy?, Antimaterie -2008
• Beter Kant, Antimaterie -2009
• Outokrasie van die Hart, Antimaterie -2010
• Los My, Klanke van die antieke Beproewing -2011
• Skryf jy Liefde, Huisgenoot Tempo Toekennings -2011
• Balk in jou Oog, Klanke van die antieke Beproewing -2012
• Platoniese Liefde, Klanke van die antieke Beproewing -2013

Sien ook

• Lys van Suid-Afrikaanse musiekgroepe

Eksterne skakels

• myspace.com/winterstasie Winterstasie op MySpace
• facebook.com/winterstasie Winterstasie op Facebook
• [1] Antimaterie op Musiek.co.za (Rhythm Online)