Die Ursa Major II-dwergsterrestelsel of UMa II is ’n sferoïdale satellietstelsel van die Melkweg in die sterrebeeldGroot Beer (Ursa Major). Dit is in 2006 ontdek in data van die Sloan- Digitale Lugopname.[1] Dit is sowat 98 000 ligjare van die Son af en beweeg in die rigting van die Son teen ’n snelheid van sowat 116 km/s.[2]
Uma II is een van die Melkweg se kleinste en dofste satellietstelsels. Dit het ’n absolute magnitude van sowat −4, wat laer is as ’n tipiese bolvormige sterreswerm en selfs sommige sterre. Dit het egter ’n massa van 5 miljoen sonmassas. Die verhouding tussen ligsterkte en massa is sowat 2 000.[2] Dié raming kan egter verkeerd wees aangesien die stelsel ’n ietwat onreëlmatige vorm het en dalk in die proses van gety-verbrokkeling is.[1]
Die sterre in Uma II is meestal ouer as 10 miljard jaar,[1] en is arm aan metale.[3] Daar vind op die oomblik geen stervorming plaas nie.
↑ 1,01,11,2Zucker, D.B.; Belokurov, V.; Evans, N.W.; Kleyna, J.T.; Irwin, M.J.; Wilkinson, M.I.; Fellhauer, M.; Bramich, D.M.; Gilmore, G. (2006). "A Curious Milky Way Satellite in Ursa Major". The Astrophysical Journal. 650: L41. doi:10.1086/508628.
↑ 2,02,1Simon, J.D.; Geha, M. (2007). "The Kinematics of the Ultra‐faint Milky Way Satellites: Solving the Missing Satellite Problem". The Astrophysical Journal. 670: 313. doi:10.1086/521816.
↑Kirby, E.N.; Simon, J.D.; Geha, M.; Guhathakurta, P.; Frebel, A. (2008). "Uncovering Extremely Metal-Poor Stars in the Milky Way's Ultrafaint Dwarf Spheroidal Satellite Galaxies". The Astrophysical Journal. 685: L43. doi:10.1086/592432.
Hierdie artikel is vertaal uit die Engelse Wikipedia
