Satraap

'n Satraap (Grieks: σατράπης (satrápēs) van Medies *xšaθrapāwan- "behoeder van die koninkryk") was 'n goewerneur van 'n provinsie in die Mediese en Oud-Persiese Ryk van die Achaimene.

Die titel is later oorgeneem in die ryk van Alexander en die Hellenistiese ryke wat daaruit ontstaan het. Die provinsie waaroor die satraap geheers het word 'n satrapie genoem. Onder Darius I (522-520 v.C.) het ook "Jehud" (Aramees vir Judea) 'n satrapie van die Persiese Ryk geword.