Ray Mordt
| |||||
| Volle naam | Raymond Herman Mordt | ||||
|---|---|---|---|---|---|
| Geboortedatum | 15 Februarie 1957 | ||||
| Geboorteplek | Kaapstad, Suid-Afrika | ||||
| Lengte | 1,80 m | ||||
| Massa | 93 kg | ||||
| Rugby league-loopbaan | |||||
| Posisie | Vleuel | ||||
| Amateurklubs | |||||
| Jare | Klub / span | ||||
| 1986–87 | Wigan | ||||
| Rugbyloopbaan | |||||
| Loopbaan as speler | |||||
| Posisie(s) | Vleuel | ||||
| Amateurspanne | |||||
| Jare | Klub / span | Weds | (pte) | ||
| 1978–80 1981–83 1984–85 |
Rhodesië Transvaal Noord-Transvaal |
||||
| Nasionale span(ne) | |||||
| Jare | Land | Weds | (pte) | ||
| 1980–84 | .svg){kind=small} Suid-Afrika
|
18 | (48) | ||
| Loopbaan as afrigter | |||||
| Jare | Klub / span | ||||
| Transvaal | |||||
Raymond Herman "Ray" Mordt (gebore op 15 Februarie 1957 in Kaapstad, Suid-Afrika) is 'n voormalige Zimbabwiese/Suid-Afrikaanse rugbyvoetbalspeler wat sy land in rugbyunie verteenwoordig het voordat hy na die Engelse professionele rugbyligaklub, Wigan, verhuis het, saam met wie hy die kampioenskap gedurende die 1986–87-seisoen gewen het. Hy is die oom van die Engelse Sewesspeler Nils Mordt.[1]
Lewe
[wysig | wysig bron]Mordt het grootgeword en begin rugby speel in Rhodesië (nou Zimbabwe). Hy was 'n leerling aan die Hoërskool Churchill in Salisbury.
Hy het later vleuel vir die Springbokke gespeel waar hy die span drie keer (twee keer as 'n plaasvervanger) van 1980 tot 1984 aangevoer het. Hy het sy debuut teen die Suid-Amerikaanse Jaguars op 26 April 1980 in die Wanderersstadion in Johannesburg gemaak. Suid-Afrika het dié wedstryd met 24–9 gewen.
As speler is hy dalk veral bekend daarvoor dat hy drie drieë teen die All Blacks in die bekende "meelbom"-toets op Edenpark in Auckland, Nieu-Seeland, op 12 September 1981 gedruk het. Suid-Afrika het dié wedstryd met 22–25 verloor.
Ray Mordt het altesaam 18 toetse (plus sewe toerwedstryde) vir die Springbokke gespeel en twaalf drieë gedruk vir 'n totaal van 48 punte.[1]
Mordt het Curriebekerrugby vir Zimbabwe, Transvaal en Noord-Transvaal gespeel en 35 loopbaandrieë gedruk.[2]
Toekennings
[wysig | wysig bron]Tydens sy rugbyunie speelloopbaan is Mordt genomineer vir die SA Rugby Jong Speler van die Jaar in 1978 en SA Rugby Speler van die Jaar in 1981, 1983 en 1984.
Rugbyliga
[wysig | wysig bron]Mordt het hom by die Engelse rugbyligaklub Wigan aangesluit en sy debuut vir hulle op die vleuel gemaak op Sondag 5 Januarie 1986 teen Swinton.[3]
Bofbal
[wysig | wysig bron]Mordt het Rhodesië ook in die 1978 interprovinsiale toernooi in Durban, Suid-Afrika, verteenwoordig.
Afrigtingsloopbaan
[wysig | wysig bron]Ná sy aktiewe loopbaan is Mordt as afrigter vir die Springbokke en ander spanne aangestel. In 1994 het die Internasionale Rugbyraad Mordt verbied om by Suid-Afrika se toer na Wallis, Skotland en Ierland as fiksheidsinstrukteur aan te sluit weens sy tyd wat hy rugbyliga gespeel het.[4]
As afrigter het Mordt die Curriebeker in 1994 gewen en Transvaal afgerig.[5] Hy het ook 'n deurslaggewende rol in die Rugbywêreldbeker 1995-bekroonde afrigtingsopset van Kitch Christie gespeel.[6]
Verwysings
[wysig | wysig bron]- ↑ 1,0 1,1 (en) "Ray Mordt". ESPNscrum. Besoek op 18 Maart 2023.
- ↑ (en) "Currie Cup Individual Records". SuperSport. Geargiveer vanaf die oorspronklike op 20 Julie 2021. Besoek op 18 Maart 2023.
- ↑ (en) "Wigan Warriors Announce Heritage Numbers" (PDF). Wigan Warriors. Geargiveer vanaf die oorspronklike (PDF) op 4 Desember 2013. Besoek op 4 Desember 2013.
- ↑ (en) Steve Bale (16 September 1994). "Mordt banned from tour: IRB refuses to accept fitness instructor". The Independent. Besoek op 2 Januarie 2014.
- ↑ (en) "Zim Boks are nothing new". Nuus24. Besoek op 18 Maart 2023.
- ↑ (en) "Ray Mordt 'helping' Lions". RuggaWorld. Geargiveer vanaf die oorspronklike op 20 Mei 2014. Besoek op 20 Mei 2014.