Pieter van Reede van Oudtshoorn

Die lykstoet van baron Van Rheede van Oudtshoorn, deur ’n anonieme kunstenaar.

Baron Pieter van Reede van Oudtshoorn (ook bekend as Pieter van Rheede van Oudtshoorn) was goewerneur van die Kaap die Goeie Hoop, alhoewel hy tydens sy reis na Suid-Afrika gesterf het.

Hy is op 8 Julie 1714 in Utrecht gebore en geniet 'n baie goeie opleiding. Hy tree in 1741 in diens van die Verenigde Oos-Indiese Kompanjie en vertrek met die skip Duifje na die Kaap uit Amsterdam, waar hy as opperkoopman en independente fiskaal optree. In 1766 was hy die enigste erfgenaam van sy oom, die Engelse edelman William Ferdinand Cary, lord Hunston, maar toe hy na 'n paar jaar verneem dat die betrekking as sekunde van die Kaap nog vakant is, aanvaar hy dit.

Hy is in 1772, nog voor sy vertrek na die Kaap, as goewerneur aangestel, maar sterf op 23 Januarie 1773 ter see en word in Kaapstad begrawe.

Sien ook

• Lys van kommandeurs en goewerneurs van die Kaapkolonie

Bronnelys

• Albertyn, C.F. dr. (hoofred.), Die Afrikaanse Kinderensiklopedie. Nasou: Kaapstad. 1972.