Merweville

Merweville
Dorp
Die dorpie soos gesien uit die toring van die NG kerk.
Merweville
Koördinate: 32°40′0″S 21°31′0″O
Land	Suid-Afrika
Provinsie	Wes-Kaap
Distriksmunisipaliteit	Sentraal-Karoo
Plaaslike Munisipaliteit	Beaufort-Wes
Oppervlak
• Totaal	32,59 km2 (12,58 vk. myl)
Bevolking
• Totaal	1 592
• Digtheid	49/km2 (130/vk. myl)
Tydsone	UTC+2 (SAST)
Poskode	6940
Skakelkodes	023

Die NG kerk op Merweville is op 28 April 1916 ingewy.

Ds. Pieter van der Merwe, leraar van die NG gemeente Beaufort-Wes van 1896 tot 1904, na wie Merweville genoem is.

Merweville is 'n dorpie in die Koup-distrik van die Karoo met sowat 1 600 inwoners. Die dorp se bedrywighede gaan hand aan hand met dié van sy boerderygemeenskap.

Die nedersetting self het as 'n kerkdorpie ontstaan, toe die kerkraad van Beaufort-Wes in 1897 besluit het dat die Koup 'n eie kerk nodig het wat kon sorg vir die betreklik verarmde geestelike en opvoedkundige toestand van die gebied.

Die kerkgrond langs die Van der Bylskraalrivier is in 1899 gekoop van die posmeester, winkelier en vrederegter, ene J.J. le Seuer van der Byl.

Alhoewel die kerkgebou reeds in 1899 ingewy is, is die gemeente Merweville eers in 1904 gestig, omdat krygswet (as gevolg van die Anglo-Boereoorlog) kerkraadsvergaderings aan bande gelê het.

Die dorp is vernoem na die dryfveer agter die kerk se stigting, ds. Pieter van der Merwe van die NG gemeente Beaufort-Wes.

Boorling van Merweville

• Schalk Pienaar, 'n Suid-Afrikaanse joernalis en koerantredakteur.

Sien ook

• NG gemeente Merweville
• Lys van dorpe in Suid-Afrika
• Engelsman se graf
• www.merweville.net.za Geargiveer 5 Maart 2019 op Wayback Machine