Matso
Matso | ||
![]() | ||
Masjienvervaardigde matso uit Jerusalem. | ||
Soort gereg | Ongesuurde brood | |
Hoofbestanddeel | Meel van koring, gort, spelt, rog of hawer | |
Oorsprong | Antieke Egipte |
![](http://upload.wikimedia.org/wikipedia/commons/thumb/a/ae/Shmura_Matzo.jpg/240px-Shmura_Matzo.jpg)
Matso (meervoud: matso's) is 'n ongesuurde, plat soort brood wat deel van die Joodse kookkuns is en deel vorm van die Joodse Paasfees (ook Pasga, Pesach), wanneer brood met suurdeeg verbode is. Dit kan vierkantig of rond wees.
Volgens die Tora het God opdrag gegee dat die Israeliete gedurende die sewe dae lange fees net ongesuurde brood eet.[1] Matso's kan óf sag soos 'n pita[2] óf krakerig wees. Net laasgenoemde word kommersieel vervaardig, want sagte matso's het nie 'n lang raklewe nie. Matsomeel kan ook gebruik word om ronde matsoballe (Jiddisj: kneidlach) te maak, wat die hoofbestanddeel van matsobalsop is.
Bybelse bronne
[wysig | wysig bron]Matso, of ongesuurde brood, word 'n paar keer in die Tora genoem in verband met die uittog uit Egipte:
Nog dieselfde nag moet julle die vleis eet. Julle moet dit gebraai eet, saam met ongesuurde brood en bitter kruie.
— Eksodus 12:8
In die eerste maand moet julle van die aand van die veertiende af ongesuurde brood eet tot op die aand van die een en twintigste van die maand.
— Eksodus 12:18
Jy mag nie brood met suurdeeg in eet nie, maar sewe dae lank moet jy ongesuurde brood eet. Dit is brood wat herinner aan jou swaarkry, en jy moet jou lewe lank dink aan die dag waarop jy uit Egipte weg is: hoe jy haastig daar weg is.
— Deuteronomium 16:3
Ses dae moet jy dan nog ongesuurde brood eet, en op die sewende dag moet julle tot eer van die Here jou God saamkom. Op hierdie dag mag jy geen werk doen nie.
— Deuteronomium 16:8
Bestanddele
[wysig | wysig bron]Met die Paasfees moet eenvoudige matso geëet word wat van meel en water gemaak is. Die meel moet gemaak wees van een van vyf soorte graan: koring, gort, spelt, rog of hawer.
Matso wat nie met die Paasfees geëet word nie, kan met uie, knoffel, papawersaad, ensovoorts gemaak word. Dit kan selfs rys, mieliemeel, bokwiet en ander meel bevat.
Verwysings
[wysig | wysig bron]- ↑ Eksodus 12:15
- ↑ "In Time for the Holiday: What is Matzah? How is it Baked?". IsraelNationalNews.com. 25 Maart 2010. Besoek op 19 Februarie 2013.
Skakels
[wysig | wysig bron]Wikimedia Commons het meer media in die kategorie Matso.
Hierdie artikel is in sy geheel of gedeeltelik uit die Engelse Wikipedia vertaal.